ಮಹಾ ಕಿಲಾಡಿ ವಂಚಕ…….?
Advertisement
ವಿಜಯಸಾಕ್ಷಿ ಸುದ್ದಿ, ಗದಗ
ಕಳೆದಿದ್ದ ಮೊಬೈಲ್ ಬಳಿಸಿಕೊಂಡ ಅಪರಿಚಿತರು, ಖಾಸಗಿ ಕಂಪನಿಯ ಉದ್ಯೋಗಿಯೊಬ್ಬರಿಗೆ ಲಕ್ಷಾಂತರ ರೂ.ಗಳ ಮೋಸ ಮಾಡಿದ ಘಟನೆ ಜರುಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಜನವರಿ 13ರಂದು ಮುಂಜಾನೆ ಮುಂಡರಗಿ-ಗದಗ ಬಸ್ ನಲ್ಲಿ ಖಾಸಗಿ ಕಂಪನಿಯ ಉದ್ಯೋಗಿ ಆಗಿರುವ ಮುಂಡರಗಿಯ ರಮೇಶ್ ಸೋಮಪ್ಪ ಹೊಂಬಳ ಎಂಬುವರು ಮೊಬೈಲ್ ಕಳೆದುಕೊಂಡಿದ್ದರು.
ಸಿಕ್ಕ ಮೊಬೈಲ್ ದುರ್ಬಳಕೆ ಮಾಡಿಕೊಂಡ ಅಪರಿಚಿತರು, ಮೊಬೈಲ್ ಸಂಖ್ಯೆಯ ಕೊನೆಯ 2036 ನಾಲ್ಕು ಸಂಖ್ಯೆಯನ್ನು ಬಳಿಸಿ ಪೋನ್ ಪೇ ಪಾಸ್ ವರ್ಡ್, ಯುಪಿಐ ಪಿನ್ ನಂಬರ್ ಉಪಯೋಗಿಸಿ ಪೋನ್-ಪೇ ಮೂಲಕ ಹಂತ-ಹಂತವಾಗಿ 1.69.002/ರೂ.ಗಳನ್ನು ಬೇರೆ ಬೇರೆ ಖಾತೆಗಳಿಗೆ ವರ್ಗಾವಣೆ ಮಾಡಿಕೊಂಡು ಮೋಸ ಮಾಡಿದ್ದಾರೆ.
ಈ ಕುರಿತು ರಮೇಶ್ ಸೋಮಪ್ಪ ಹೊಂಬಳ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಇನ್ಫಾರ್ಮೇಶನ್ ಟೆಕ್ನಾಲಜಿ ಆ್ಯಕ್ಟ್-2008(u/s-66(c):ಐಪಿಸಿ 1860(u/s-420)0007/2023 ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.