ವಿಜಯಸಾಕ್ಷಿ ಸುದ್ದಿ, ನವಲಗುಂದ
ರಾಜ್ಯ ಸರ್ಕಾರ ಪತ್ರಕರ್ತರ ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಬೆಳಗಾವಿಯಲ್ಲಿ ಡಿ.27 ರಂದು ಸುವರ್ಣಸೌಧದ ಎದುರು ರಾಜ್ಯ ಪತ್ರಕರ್ತರ ಧ್ವನಿ ಸಂಘಟನೆಯ ರಾಜ್ಯಾಧ್ಯಕ್ಷ ಬಂಗ್ಲೆ ಮಲ್ಲಿಕಾರ್ಜುನ ಹಮ್ಮಿಕೊಂಡಿರುವ ಧರಣಿ ಸತ್ಯಾಗ್ರಹಕ್ಕೆ ಬೆಂಬಲ ಕೊಡಲು ಬೆಳಗಾವಿಗೆ ತೆರಳಲು ತಾಲೂಕಿನ ಕಾ.ನಿ.ಪ.ಧ್ವನಿ ಸಂಘಟನೆಯವರು ನಿರ್ಣಯ ಕೈಗೊಂಡರು.
ಭಾನುವಾರ ಇಲ್ಲಿಯ ಲೋಕೊಪಯೋಗಿ ಇಲಾಖೆಯ ನಿರೀಕ್ಷಣಾಲಯದಲ್ಲಿ ಏರ್ಪಡಿಸಿದ ಪತ್ರಕರ್ತರ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಯಿತು.
ಅಧ್ಯಕ್ಷತೆ ವಹಿಸಿದ್ದ ತಾಲೂಕು ಅಧ್ಯಕ್ಷ ಚರಂತಯ್ಯ ಹಿರೇಮಠ ಮಾತನಾಡಿ, ಪತ್ರಕರ್ತರ ಪ್ರಾಧಿಕಾರ ರಚನೆ, ಪ್ರತಿ ಪತ್ರಕರ್ತರಿಗೆ ನಿವೇಶನ ನೀಡುವುದು, ಪ್ರತಿ ತಾಲೂಕಿನಲ್ಲಿ ಪತ್ರಿಕಾಭವನ ನಿರ್ಮಾಣ ಮಾಡುವುದು, ಉಚಿತವಾಗಿ ಟೋಲ್ ಪ್ರವೇಶಕ್ಕೆ ಕೂಡಲೇ ಆದೇಶ ಹೊರಡಿಸಬೇಕು, ನಿವೃತ್ತ ಪತ್ರಕರ್ತರಿಗೆ ರೂ.20 ಸಾವಿರಕ್ಕೆ ಮಾಶಾಸನ ಹೆಚ್ಚಳ ಮಾಡಬೇಕು, ಗ್ರಾಮೀಣ ಪತ್ರಕರ್ತರಿಗೆ ಬಸ್‍ಪಾಸ್ ವಿತರಣೆ, ಪತ್ರಕರ್ತರ ಕುಟುಂಬಕ್ಕೆ ಆರೋಗ್ಯ ವಿಮೆ, ಪತ್ರಕರ್ತರ ರಕ್ಷಣಾ ಕಾಯ್ದೆ ಜಾರಿ ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಕೂಡಲೇ ಈಡೇರಿಸುವಂತೆ ಆಗ್ರಹಿಸಿದರು.
ಪ್ರಧಾನ ಕಾರ್ಯದರ್ಶಿ ಯಲ್ಲಪ್ಪ ಭೋವಿ, ಸದಸ್ಯರಾದ ಅಬ್ದುಲ್‍ರಝಾಕ್ ನದಾಫ್, ಮೆಹಬೂಬ ಅಣ್ಣಿಗೇರಿ, ಶಂಕ್ರು ಸುಭೆದಾರಮಠ, ಶಿವು ನಾಯಕ, ವಿನೋದ ಇಚ್ಚಂಗಿ, ಮಮತಾ ಬೀಳಗಿ, ರಾಜು ಕೊಣ್ಣೂರ, ಶರೀಫ ಶಿವಯೋಗಿ ಸೂರಪ್ಪನವರ ಉಪಸ್ಥಿತರಿದ್ದರು.