ವಿಜಯಸಾಕ್ಷಿ ಸುದ್ದಿ, ಗದಗ
ವೈಯಕ್ತಿಕ ಲಾಭಕ್ಕೋಸ್ಕರ ಸಾರ್ವಜನಿಕ ಸ್ಥಳದಲ್ಲಿ ಅಂದರ್ಬಾಹರ್ ಆಟದಲ್ಲಿ ತೊಡಗಿಕೊಂಡಿದ್ದ 11 ಜನ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, ಉಳಿದ ಐವರು ಆರೋಪಿಗಳು ಪರಾರಿಯಾಗಿದ್ದಾರೆ.
ಜಿಲ್ಲೆಯ ರೋಣ ತಾಲ್ಲೂಕಿನ ಅಬ್ಬಿಗೇರಿ ಗ್ರಾಮದ ಬೀರಲಿಂಗೇಶ್ವರ ದೇವಸ್ಥಾನದ ಹತ್ತಿರದ ಸಾರ್ವಜನಿಕ ರಸ್ತೆಯ ಮೇಲೆ ಆರೋಪಿತರಾದ ಭೀಮಪ್ಪ ಯಲ್ಲಪ್ಪ ಕಟ್ಟಿಮನಿ, ವೀರೇಶ ಆನಂದಪ್ಪ ಮಲ್ಲಾಪುರ, ಪ್ರಕಾಶ ತಿಪ್ಪಣ್ಣ ಹಾವನೂರ, ಶರಣಪ್ಪ ಸಂಗಪ್ಪ ಮೆಂಟಗೇರಿ, ಸುರೇಶ ಭೀಮಪ್ಪ ಮಲ್ಲಾಪೂರ, ಈಶಪ್ಪ ಶಿವಪ್ಪ ಐಹೊಳಿ, ದಾವಲಸಾಬ ಟಿಪ್ಪುಸಾಬ ಇಬ್ರಾಹಿಂಪೂರ, ಯಲ್ಲಪ್ಪ ಶಂಕ್ರಪ್ಪ ಆರೇರ, ಸಹದೇವ ಹನಮಪ್ಪ ಹಿರೇಮನಿ, ರಾಜು ಶಿವಪ್ಪ ಕೆಂಗಾರ ಹಾಗೂ ಶಿವಪ್ಪ ಈರಪ್ಪ ಕಂಬಳಿ ಎಂಬುವವರು ಇಸ್ಪೇಟ್ ಆಟದಲ್ಲಿ ತೊಡಗಿದ್ದಾಗ ರೋಣ ಪೊಲೀಸ್ ಠಾಣೆಯ ಪಿಎಸ್ಐ ಕಿರಣಕುಮಾರ ಎಸ್.ಕೆ ನೇತೃತ್ವದ ತಂಡ ದಾಳಿ ನಡೆಸಿ ಆರೋಪಿತರನ್ನು ಬಂಧಿಸಿ ಆಟದಲ್ಲಿ ತೊಡಗಿಸಿದ್ದ 15,530ರೂ. ಹಣವನ್ನು ವಶಪಡಿಸಿಕೊಂಡಿದ್ದಾರೆ.
ಇನ್ನೂ 5 ಜನರು ಓಡಿಹೋಗಿ ಪರಾರಿಯಾಗಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸಿದ್ದಾರೆ.
