ಶಹರ್ ಪೊಲೀಸರ ಕಾರ್ಯಾಚರಣೆ……
Advertisement
ವಿಜಯಸಾಕ್ಷಿ ಸುದ್ದಿ, ಗದಗ
ಮಾರಾಟ ಮಾಡುವ ಉದ್ದೇಶದಿಂದ ಗಾಂಜಾ ಸಂಗ್ರಹಿಸಿ ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದಾಗ ಶಹರ ಪೊಲೀಸರು ದಾಳಿ ಮಾಡಿ ಇಬ್ಬರನ್ನು ಬಂಧಿಸಿದ್ದಾರೆ.
ಇಲ್ಲಿನ ಟಿಪ್ಪು ಸುಲ್ತಾನ್ ಸರ್ಕಲ್ ಬಳಿ ಮಾರಾಟ ಮಾಡುತ್ತಿದ್ದಾಗ ಶಹರ ಠಾಣೆಯ ಪಿಎಸ್ಐ ರೇಣುಕಾ ಮುಂಡೆವಾಡಗಿ ಹಾಗೂ ಸಿಬ್ಬಂದಿ ದಾಳಿ ಮಾಡಿ ವೃತ್ತಿಯಲ್ಲಿ ಗೌಂಡಿ ಕೆಲಸ ಮಾಡುವ ಎಸ್ ಎಮ್ ಕೃಷ್ಣ ನಗರದ ರಾಜೇಸಾಬ ಇಬ್ರಾಹಿಂಸಾಬ್ ನದಾಫ್ ಹಾಗೂ ರಾಜೀವ ಗಾಂಧಿ ನಗರದ ಟೈಲ್ಸ್ ಕೆಲಸ ಮಾಡುವ ಸೋಹಿಲ್ ತಂದೆ ಶಬ್ಬೀರ ಇಂಗಳಗಿ ಎಂಬ ಇಬ್ಬರನ್ನು ಬಂಧಿಸಿದ್ದಾರೆ.
ಬಂಧಿತರಿಂದ 5400 ರೂ. ಮೌಲ್ಯದ 54 ಗ್ರಾಮ ತೂಕದ ಗಾಂಜಾ ಹಾಗೂ ದ್ವಿಚಕ್ರ ವಾಹನ ವಶಪಡಿಸಿಕೊಳ್ಳಲಾಗಿದೆ.
ಇವರಿಬ್ಬರಿಗೂ ಗಾಂಜಾ ಮಾರಾಟ ಮಾಡಲು ಕೊಟ್ಟಿದ್ದ ಪ್ರಮುಖ ಆರೋಪಿ ಸೆಟ್ಲಮೆಂಟ್ ಏರಿಯಾದ ನಾಗರಾಜ್ ತಂದೆ ದೊಡ್ಡಪ್ಪ ಮುತಗಾರ ಪರಾರಿಯಾಗಿದ್ದಾನೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಈ ಕುರಿತು ಶಹರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.