ಮಹಿಳೆಯ ಭೀಕರ ಕೊಲೆ ಪ್ರಕರಣ; ನಾಲ್ವರು ಹಂತಕರ ಬಂಧನ

ವಿಜಯಸಾಕ್ಷಿ ಸುದ್ದಿ, ಗದಗ

ಸೋಮವಾರ ಹಾಡುಹಗಲೇ ಶೋಭಾ ಲಮಾಣಿ ಅಲಿಯಾಸ್ ಮೀನಾಜ್ ಬೇಪಾರಿ ಎಂಬ ಮಹಿಳೆಯನ್ನು ಭೀಕರವಾಗಿ ಕೊಲೆಗೈದ ಪ್ರಕರಣವನ್ನು ಶಹರ ಪೊಲೀಸರು ಭೇದಿಸಿದ್ದಾರೆ.

ನಿನ್ನೆ ಸಂಜೆ ಇಬ್ಬರನ್ನು ವಶಕ್ಕೆ ಪಡೆದಿದ್ದ ಶಹರ ಪೊಲೀಸರು, ತೀವ್ರ ವಿಚಾರಣೆ ನಡೆಸಿ ಮತ್ತೀಬ್ಬರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಇದನ್ನೂ ಓದಿ ಹಾಡುಹಗಲೇ ಮಹಿಳೆಯ ಭೀಕರ ಕೊಲೆ; ಚಾಕುವಿನಿಂದ ಇರಿದು ಹತ್ಯೆ, ಇಬ್ಬರು ಬಂಧನ?

ಚೇತನ್ ತಂದೆ ಪರಶುರಾಮ ಹುಳಕಣ್ಣವರ್, ರೋಹನ್ ಕುಮಾರ ತಂದೆ ಯಲ್ಲನಗೌಡ ಲಿಗಾಡಿ, ಕುಮಾರ್ ತಂದೆ ಯಲ್ಲಪ್ಪ ಮಾರನಬಸರಿ ಹಾಗೂ ಶ್ರೀನಿವಾಸ್ ತುಳಚಪ್ಪ ಸಿಂಧೆ ಎಂಬುವರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಬಂದಿತರಿಂದ ಎರಡು ಚಾಕು, ಬೈಕ್ ವಶಪಡಿಸಿಕೊಳ್ಳಲಾಗಿದೆ ಎನ್ನಲಾಗಿದೆ.

ಬಂಧಿತರೆಲ್ಲರೂ ಗಂಗಿಮಡಿ ಆಶ್ರಯ ಕಾಲೋನಿಯ ನಿವಾಸಿಗಳು. ಬಂಧಿತ ಆರೋಪಿ ಚೇತನ್ ಎಂಬಾತನ ಸಹೋದರ, ಆಟೋ ಚಾಲಕ ರಮೇಶ್ ಎಂಬಾತನನ್ನು 2020ರ ಡಿಸೆಂಬರ್ ತಿಂಗಳಲ್ಲಿ ವಾಸೀಂ ಬೇಪಾರಿ ಹಾಗೂ ಶೋಭಾ ಅಲಿಯಾಸ್ ಮೀನಾಜ್ ಬೇಪಾರಿ ಸೇರಿ ಕೊಲೆ ಮಾಡಿದ್ದ ಆರೋಪ ಎದುರಿಸುತ್ತಿದ್ದಾರೆ.

ಸಹೋದರ ರಮೇಶ್ ನ ಕೊಲೆಗೆ ದ್ವೇಷ ಸಾಧಿಸುತ್ತಿದ್ದ ಚೇತನ್, ರೋಹನ್ ಕುಮಾರ್, ಕುಮಾರ್ ಮಾರನಬಸರಿ ಹಾಗೂ ಶ್ರೀನಿವಾಸ ಸಿಂಧೆ ಸೇರಿ ಚಾಕುವಿನಿಂದ ಕತ್ತು ಕೊಯ್ದು ಕೊಲೆ ಮಾಡಿದ್ದಾರೆ.

ವಿಡಿಯೋ ವೈರಲ್

ಹೊಸ ಬಸ್ ನಿಲ್ದಾಣದ ಕಡೆ ಆಟೋದಲ್ಲಿ ಹೊರಟಿದ್ದ ಶೋಭಾ ಅಲಿಯಾಸ್ ಮೀನಾಜ್, ಬೇಕರಿಯಲ್ಲಿ ತಿಂಡಿ- ತಿನಿಸು ತರಲು ಆಟೋ ಇಳಿಯುತ್ತಿದ್ದಂತೆಯೇ ಅಟ್ಯಾಕ್
ಮಾಡಿದ ಹಂತಕರು, ಮುಖಕ್ಕೆ ಕೆಂಪು ಟವಲ್ ಹಾಕಿ ಹಲ್ಲೆ ಮಾಡಿ ಕಳಗೆ ಕೆಡವಿದ್ದಾರೆ.
ಚಾಕುವಿನಿಂದ ಕತ್ತು ಕೊಯ್ದು ಕೊಲೆ ಮಾಡಿದ್ದಾರೆ.

ಬೈಕ್ ನಿಂದ ಚಾಕು ತಂದು ಕೊಡವ ದೃಶ್ಯಗಳು ಸಿಸಿ ಕ್ಯಾಮರಾದಲ್ಲಿ, ಮೊಬೈಲ್ ನಲ್ಲಿ ಸೆರೆಯಾಗಿದ್ದು, ಆ ವಿಡಿಯೋಗಳು ಈಗ ವೈರಲ್ ಆಗಿವೆ.