ಚಿಕ್ಕಮಗಳೂರು: ವಿಕ್ರಂಗೌಡನ ಹತ್ಯೆ ಅತ್ಯಂತ ಖಂಡನೀಯ, ಯಾರೂ ಒಪ್ಪುವಂತದ್ದಲ್ಲ ಎಂದು ಮಾಜಿ ನಕ್ಸಲ್ ನೀಲಗುಳಿ ಪದ್ಮನಾಭ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಚಿಕ್ಕಮಗಳೂರಿನಲ್ಲಿ ಮಾತನಾಡಿದ ಅವರು, ವಿಕ್ರಂ ಹತ್ಯೆ ಕಪೋಲ ಕಲ್ಪಿತವಾಗಿ ಸೃಷ್ಠಿ ಮಾಡಿರುವ ಎನ್ಕೌಂಟರ್ ಆಗಿದೆ. ಎಲ್ಲೋ ಹಿಡಿದು ಹಿಂಸೆ ನೀಡಿ, ಸಾಯಿಸಿ ಕೊನೆಗೆ ಪೀತಬೈಲಿಗೆ ತಂದು ಹಾಕಿದ್ದಾರೆ. ಎನ್ಕೌಂಟರ್ ಬಗ್ಗೆ ಮಾಧ್ಯಮದವರಿಗೂ ತಿಳಿಯದಂತೆ ಯಾರಿಗೂ ಮುಖ ತೋರಿಸದೆ ವಂಚಿಸಿದ್ದಾರೆ ಎಂದು ಮಾಜಿ ನಕ್ಸಲ್ ಪೊಲೀಸರ ವಿರುದ್ಧ ಆರೋಪಿಸಿದ್ದಾರೆ.
Advertisement
ಇನ್ನೂ ಈ ಎನ್ಕೌಂಟರ್ ಅನ್ನು ಸಿಎಂ, ಗೃಹಸಚಿವ ಸಮರ್ಥಿಸಿಕೊಂಡಿದ್ದು ಅತ್ಯಂತ ದುರಾದೃಷ್ಠವಾಗಿದೆ. ಯಾವತ್ತಿಗೂ ಪೊಲೀಸರ ಎನ್ಕೌಂಟರ್ ಕಥೆಯನ್ನ ಎನ್ಕೌಂಟರ್ ಕಥೆ ಗೊತ್ತಿರೋರು ಒಪ್ಪಲ್ಲ, ಆರೋಪಿಯನ್ನ ಕೊಲೆ ಮಾಡಿ ಎಂದು ನಮ್ಮ ಸಂವಿಧಾನ ಕೂಡ ಹೇಳಿಲ್ಲ ಆದ್ದರಿಂದ ವಿಕ್ರಂ ಎನ್ಕೌಂಟರ್ ಬಗ್ಗೆ ನ್ಯಾಯಾಂಗ ತನಿಖೆ ಆಗಬೇಕೆಂದು ಮಾಜಿ ನಕ್ಸಲ್ ನೀಲಗುಳಿ ಪದ್ಮನಾಭ ಆಗ್ರಹಿಸಿದ್ದಾರೆ.