ಯೋಗೇಶ್ವರ್ ಯಾವಾಗ ಕಾಂಗ್ರೆಸ್ʼಗೆ ಕಾಲಿಟ್ರೋ ಆಗಲೇ ಅವರ ಪತನ ಶುರುವಾಯ್ತು: ಅಶ್ವಥ್ ನಾರಾಯಣ್

ಬೆಂಗಳೂರು: ಯೋಗೇಶ್ವರ್ ಯಾವಾಗ ಕಾಂಗ್ರೆಸ್ʼಗೆ ಕಾಲಿಟ್ರೋ ಆಗಲೇ ಅವರ ಪತನ ಶುರುವಾಯ್ತು ಎಂದು ಮಾಜಿ ಉಪಮುಖ್ಯಮಂತ್ರಿ ಅಶ್ವಥ್ ನಾರಾಯಣ್ ​​ ಹೇಳಿದ್ದಾರೆ. ನಗರದಲ್ಲಿ ಮಾತನಾಡಿದ ಅವರು, ಚನ್ನಪಟ್ಟಣ ಚುನಾವಣೆ ವಿಚಾರದಲ್ಲಿ ಕಾಂಗ್ರೆಸ್​ನವರು ನಿರಾಶರಾಗಿದ್ದಾರೆ. ಏನೂ ಅಭಿವೃದ್ಧಿ ಮಾಡದ ಈ ಸರ್ಕಾರವನ್ನು ಜನ ತಿರಸ್ಕರಿಸ್ತಾರೆ ಬೈಎಲೆಕ್ಷನ್ ಗಳಲ್ಲಿ ಸರ್ಕಾರ ಇದ್ದವರು ರಣತಂತ್ರ ಮಾಡೋದು ಸಹಜ,

ಆದರೆ ಈ ಬಾರಿ ಮೂರೂ ಕಡೆಯೂ ಕಾಂಗ್ರೆಸ್​ ಸರ್ಕಾರವನ್ನ ಜನ ತಿರಸ್ಕರಿಸ್ತಾರೆ. ಯೋಗೇಶ್ವರ್ ಯಾವಾಗ ಕಾಂಗ್ರೆಸ್ ಕಡೆಗೆ ಕಾಲಿಟ್ರೋ ಆಗಲೇ ಅವರ ಪತನ ಶುರುವಾಯ್ತು ಅಲ್ಲೀವರೆಗೂ ಅವರ ಪರ ಇದ್ದ ವಾತಾವರಣ ನಂತರ ಉಲ್ಟಾ ಆಯ್ತು ಎಂದು ಹೇಳಿದರು.

ಜಮೀರ್ ಅಹಮದ್ ಯಾವಾಗಲೂ ವಿವಾದಾತ್ಮಕ ಹೇಳಿಕೆ‌ ಕೊಡ್ತಾರೆ ಎಂದ ಅಶ್ವತ್​ನಾರಯಣ್​​, ಜಮೀರ್ ಹೇಳಿಕೆ ಯೋಗೇಶ್ವರ್​ಗೂ ಮಾರಕ ಆಗಿರಬಹುದು ಖಂಡಿತ ಜಮೀರ್ ಹೇಳಿಕೆ ಕಾಂಗ್ರೆಸ್ ಗೆ ಈ ಚುನಾವಣೆಯಲ್ಲಿ ಪಾಠ ಕಲಿಸುತ್ತೆ ಇಡೀ ದೇವೇಗೌಡರ ಕುಟುಂಬ ಖರೀದಿ ಮಾಡೋದಾಗಿ ಜಮೀರ್ ಹೇಳಿಕೆಯಿಂದ ಜನ ಬೇಜಾರ್ ಆಗಿದ್ದಾರೆ ಎಂದರು.