ಮಹಾಮಾರಿಗೆ ಬಲಿಯಾದ ಲಕ್ಷ್ಮೀ, ಶಾಂತಲಾ! ಏಕಾಂಗಿಯಾಯಿತೆ ಗಾಯತ್ರಿ?

ವಿಜಯಸಾಕ್ಷಿ ಸುದ್ದಿ, ಮೈಸೂರು

ಕೊರೊನಾ ಮಹಾಮಾರಿ ಬಡವರ ಬದುಕನ್ನು ಬೀದಿಗೆ ತಂದು ನಿಲ್ಲಿಸಿದೆ. ಹಲವು ಕುಟುಂಬಗಳು ತಂದೆ – ತಾಯಿ ಕಳೆದುಕೊಂಡು ತಬ್ಬಲಿಯಾಗಿದ್ದಾರೆ.
ಸದ್ಯ ಇದರ ಹೊಡೆತಕ್ಕೆ ಹಲವಾರು ಉದ್ಯಮಗಳು ಕೂಡ ಬಂದ್ ಆಗಿವೆ. ಹಲವಾರು ಕುಟಂಬಗಳಿಗೆ ಅನ್ನದ ಹಾದಿ ಬಂದ್ ಆಗುತ್ತಿವೆ. ಸದ್ಯ ಈ ಸಾಲಿಗೆ ಇಲ್ಲಿಯವರೆಗೂ ಜನರಿಗೆ ಮನರಂಜನೆ ನೀಡುತ್ತಿದ್ದ ನಗರದಲ್ಲಿನ ಲಕ್ಷ್ಮೀ ಟಾಕೀಸ್ ಬಂದ್ ಆಗಿದೆ.

ಇತ್ತೀಚೆಗಷ್ಟೇ ನಗರದಲ್ಲಿನ ಶಾಂತಲಾ ಟಾಕೀಸ್ ನಷ್ಟದಿಂದ ಬಂದ್ ಆಗಿತ್ತು. ಈಗ ಈ ಸಾಲಿಗೆ ಲಕ್ಷ್ಮೀ ಟಾಕೀಸ್ ಸೇರಿದೆ. ಹೀಗಾಗಿ ಗಾಯತ್ರಿ ಟಾಕೀಸ್ ಒಂದೇ ಜನರಿಗೆ ಮನರಂಜನೆ ನೀಡುವ ಉದ್ಧೇಶದಿಂದ ಉಳಿದಿದೆ.

ಈ ಮೂರು ಚಿತ್ರಮಂದಿರಗಳು ತ್ರಿನೇತ್ರಿಗಳಂತೆ ಇದ್ದವು. ಒಂದೇ ರಸ್ತೆಯಲ್ಲಿ ಈ ಮೂರು ಚಿತ್ರಮಂದಿರಗಳು ಇದ್ದವು. ಹೀಗಾಗಿ ಇಲ್ಲಿಯ ಜನ ಇವುಗಳನ್ನು ಒಂದೇ ರಸ್ತೆಯಲ್ಲಿನ ಕುವರಿಯರು ಎಂದೇ ಕರೆಯುತ್ತಿದ್ದರು. ಆದರೆ, ಹಲವು ವರ್ಷಗಳಿಂದ ಜನರಿಗೆ ಮನರಂಜನೆ ನೀಡುತ್ತಿದ್ದ ಇವು ಬಂದ್ ಆಗಿವೆ. ನಷ್ಟಕ್ಕೆ ತುತ್ತಾಗಿ ಮಾಲೀಕರು ಇವುಗಳನ್ನು ಬಂದ್ ಮಾಡುವ ನಿರ್ಧಾರ ಕೈಗೊಂಡಿದ್ದಾರೆ.