ವಿಜಯಸಾಕ್ಷಿ ಕನ್ನಡ ದಿನಪತ್ರಿಕೆ, ನವದೆಹಲಿ: ಕೆಮ್ಮು, ಜ್ವರ ಬಂದ ಕೂಡಲೇ ಈಗ ಕೊವಿಡ್ ಭೀತಿ ಶುರುವಾಗುತ್ತದೆ. ಇಂತಹ ಲಕ್ಷಣಗಳಿದ್ದೂ ಕೊವಿಡ್ ಇರದಿರುವ ಸಾಧ್ಯತೆ ಹೆಚ್ಚು. ಆದರೂ ಪರೀಕ್ಷೆ ಮಾಡಿಸಿಕೊಳ್ಳಲೇ ಬೇಕಲ್ಲ?
ಅದನ್ನು ತಪ್ಪಿಸಲೆಂದೇ ವಾಧ್ವಾನಿ ಇನ್‌ಸ್ಟಿಟ್ಯೂಟ್ ಈಗ ಒಂದು ಉಪಕರಣ ಸಂಶೋಧಿಸಿದೆ. ಕೃತಕ ಬುದ್ಧಿಮತ್ತೆ ಬಳಸಿ ಈ ಉಪಕರಣ ಕೆಲಸ ಮಾಡುತ್ತದೆ.
ವ್ಯಕ್ತಿಯ ಕೆಮ್ಮಿನಿಂದ ಉಂಟಾಗುವ ಶಬ್ದದ ನಮೂನೆಗಳನ್ನು ಪರೀಕ್ಷಿಸಿ ಕೊವಿಡ್ ಇಲ್ಲದಿರುವುದನ್ನು ಖಚಿತ ಪಡಿಸುತ್ತದೆ. ಸಂಶಯಾತ್ಮಕವಾಗಿದ್ದರೆ ಆಗ ಪರೀಕ್ಷೆಗೆ ಹೋಗಬಹುದು.
ದೂರದ ಹಳ್ಳಿಗಳಲ್ಲಿ, ಗುಡ್ಡಗಾಡು ಪ್ರದೇಶಗಳಲ್ಲಿ ಒಮ್ಮೆಲೇ ಮಾಸ್ ಟೆಸ್ಟಿಂಗ್ ನಡೆಸಲು ಈ ಉಪಕರಣ ಉಪಕಾರಿ ಎನ್ನಲಾಗಿದೆ. ಸದ್ಯ ಕಂಪನಿ ಈ ಉಪಕರಣ ಬಳಸಿ ಬಿಹಾರ್ ಮತ್ತು ಒರಿಸ್ಸಾಗಳ ರಿಮೋಟ್ ಗ್ರಾಮಗಳಲ್ಲಿ ಕೊವಿಡ್ ಪರೀಕ್ಷೆ ನಡೆಸುತ್ತಿದೆ.