ಬಾಬರ್ ಆಝಂ IPLನಲ್ಲಿ 130 ರೂ.ಗೂ ಹರಾಜಾಗಲ್ಲ ಎನ್ನುವ ಮೂಲಕ ಪಾಕ್ ನಾಯಕನನ್ನು ಫುಲ್ ಟ್ರೋಲ್ ಮಾಡಲಾಗುತ್ತಿದೆ. ಬಾಂಗ್ಲಾದೇಶ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿರುವ ಅವರನ್ನು ಇದೀಗ ಪಾಕ್ ಅಭಿಮಾನಿಗಳೇ ಹೀಯಾಳಿಸುತ್ತಿದ್ದಾರೆ.
ಅದರಲ್ಲೂ ಪಾಕಿಸ್ತಾನದ ಕ್ರಿಕೆಟ್ ವಿಶ್ಲೇಷಕರಾದ ವಸೇ ಹಬೀಬ್ ಒಂದು ಹೆಜ್ಜೆ ಮುಂದೆ ಹೋಗಿ ಬಾಬರ್ ಆಝಂ ಅವರ ಐಪಿಎಲ್ ಹರಾಜು ಮೊತ್ತವನ್ನು ಸಹ ಘೋಷಿಸಿದ್ದಾರೆ.
ಬಾಂಗ್ಲಾದೇಶ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಬಾಬರ್ 4 ಇನಿಂಗ್ಸ್‌ಗಳಿಂದ ಕಲೆಹಾಕಿದ್ದು ಕೇವಲ 64 ರನ್‌ಗಳು ಮಾತ್ರ. ತವರಿನಲ್ಲೇ ಅತ್ಯಂತ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿರುವ ಬಾಬರ್ ಆಝಂ ಐಪಿಎಲ್ ನಲ್ಲಿ ಕಾಣಿಸಿಕೊಂಡರೆ 130 ರೂ.ಗೂ ಕೂಡ ಹರಾಜಾಗಲ್ಲ ಎಂದು ಕ್ರಿಕೆಟ್ ವಿಶ್ಲೇಷಕರಾದ ವಸೇ ಹಬೀಬ್ ಸೋಷಿಯಲ್ ಮೀಡಿಯಾದಲ್ಲಿ ಹೇಳಿದ್ದಾರೆ.
ಇದೀಗ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದ್ದು, ಪಾಕ್ ತಂಡದ ನಾಯಕನ ಬೆಲೆ ಕೇವಲ 130 ರೂ. ಎಂದು ಟ್ರೋಲ್ ಮಾಡಲಾಗುತ್ತಿದೆ. ಅಂದಹಾಗೆ ಪಾಕ್ ಕ್ರಿಕೆಟ್ ಪ್ರೇಮಿಗಳ ಈ ಆಕ್ರೋಶಕ್ಕೆ ಕಾರಣ ಬಾಬರ್ ಆಝಂ ಅವರ ಹೀನಾಯ ಪ್ರದರ್ಶನ.
ಏಕೆಂದರೆ ಬಾಬರ್ ಆಝಂ ಪಾಕಿಸ್ತಾನ್ ಪರ ಟೆಸ್ಟ್‌ನಲ್ಲಿ ಅರ್ಧಶತಕ ಸಿಡಿಸಿ 2 ವರ್ಷಗಳೇ ಕಳೆದಿವೆ. ಇದಾಗ್ಯೂ ಸತತವಾಗಿ ತಂಡದಲ್ಲಿ ಸ್ಥಾನ ಪಡೆಯುತ್ತಿದ್ದಾರೆ. ಇದೀಗ ಬಾಂಗ್ಲಾದೇಶ್ ವಿರುದ್ಧದ ಸರಣಿಯಲ್ಲಿ 4 ಇನಿಂಗ್ಸ್ ಗಳಿಂದ ಕೇವಲ 64 ರನ್ ಕಲೆಹಾಕಿ ಭಾರೀ ಟೀಕೆಗೆ ಗುರಿಯಾಗಿದ್ದಾರೆ. ಇದೇ ಕಾರಣದಿಂದಾಗಿ ವಸೇ ಹಬೀಬ್ ತಮ್ಮ ಯುಟ್ಯೂಬ್ ಚಾನೆಲ್ ನಲ್ಲಿ ಬಾಬರ್ ಆಝಂ ಮೌಲ್ಯರಹಿತ ಆಟಗಾರ ಎಂದು ವಿಮರ್ಶಿಸಿದ್ದಾರೆ.