ಅಂದರ್-ಬಾಹರ್ ಜೂಜಾಟ; ಗ್ರಾ.ಪಂ‌ ಉಪಾಧ್ಯಕ್ಷ ಸೇರಿ 12 ಜನರ ಬಂಧನ

ವಿಜಯಸಾಕ್ಷಿ ಸುದ್ದಿ, ಗದಗ

ಫೈನಾನ್ಷಿಯರ್, ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ಸೇರಿದಂತೆ 12 ಜನರ ತಂಡವೊಂದು ಅಂದರ್-ಬಾಹರ್ ಜೂಜಾಟದಲ್ಲಿ ತೊಡಗಿದ್ದಾಗ ಪೊಲೀಸರು ದಾಳಿ ಮಾಡಿ ಬಂಧಿಸಿದ ಘಟನೆ ನಡೆದಿದೆ.

ಗದಗ ತಾಲೂಕಿನ ಕಿರಿಟಗೇರಿ ಗ್ರಾಮದ ಬಳಿ ಇರುವ ಹಳ್ಳವೊಂದರಲ್ಲಿ ಇಸ್ಪೀಟು ಎಲೆಗಳ ಸಹಾಯದಿಂದ ಅಂದರ್-ಬಾಹರ್ ಜೂಜಾಟದಲ್ಲಿ ತೊಡಗಿದ್ದ ಷಣ್ಮುಖ ನಿಂಗಪ್ಪ ದಂಡಿನ, ಶಂಕರ್ ಯಮನಪ್ಪ ಬಳ್ಳಾರಿ, ಬಸವರಾಜ್ ಕಳಕಪ್ಪ ಪೂಜಾರ, ಚನ್ನಪ್ಪ ರಾಮಲಿಂಗಪ್ಪ ಹರದೊಲಿ, ಯಲ್ಲಪ್ಪ ಕನಕಪ್ಪ ಭಜಂತ್ರಿ, ಶಿವಾನಂದ ಈರಪ್ಪ ಕರಿಗೌಡರ್, ಮಲ್ಲೇಶ್ ತಿಮ್ಮಣ್ಣ ಕಣಕಿ, ಶೇಖಪ್ಪ ಬಸವರಾಜ್ ಹುನಗುಂಡಿ, ಗುರುಬಸಯ್ಯ ಈಶ್ವರಯ್ಯ ಹಿರೇಮಠ, ಮಾಲತೇಶ್ ಕರಿಯಪ್ಪ ಮೇಟಿ, ಈಶ್ವರ ಮಲ್ಲಪ್ಪ ಯಳವತ್ತಿ, ಹಾಗೂ ಅಂದಾನಪ್ಪ ಶಿವಪ್ಪ ಬಿಂಗಿ ಎಂಬುವವರನ್ನು ಬಂಧಿಸಲಾಗಿದೆ.

ಗ್ರಾಮೀಣ ಠಾಣೆಯ ಪಿಎಸ್ಐ ಅಜಿತ್ ಕುಮಾರ್ ಹೊಸಮನಿ ಹಾಗೂ ಸಿಬ್ಬಂದಿ ದಾಳಿ ಮಾಡಿ ಬಂಧಿಸಿದ್ದಾರೆ. ಬಂಧಿತರಿಂದ 42 ಸಾವಿರ ರೂ. ನಗದು ವಶಪಡಿಸಿಕೊಳ್ಳಲಾಗಿದೆ. ಈ ಕುರಿತು ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.