ಕಾರು ಚಾಲಕನ ಮುಖಕ್ಕೆ‌ ಉಗಿದು ದುರ್ವತನೆ ತೋರಿದ್ದ ಆಟೋ ಚಾಲಕ ಅಂದರ್!

ಬೆಂಗಳೂರು:- ನಗರದ ಮಾರತಹಳ್ಳಿಯ ಯಮಲೂರು ಸಿಗ್ನಲ್ ಬಳಿ ಕಾರು ಚಾಲಕನ ಮುಖಕ್ಕೆ‌ ಉಗಿದು ದುರ್ವತನೆ ತೋರಿದ್ದ ಆಟೋ ಚಾಲಕನನ್ನು ಅರೆಸ್ಟ್ ಮಾಡಲಾಗಿದೆ.

ಚಾಲಕ ಬಾಬಾಸಾಬ್ ನನ್ನು ಹೆಚ್.ಎ.ಎಲ್ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಮಾರತಹಳ್ಳಿಯ ಯಮಲೂರು ಸಿಗ್ನಲ್ ಬಳಿ ಕಾರು ಹಾಗೂ ಆಟೋ ಚಾಲಕನ ನಡುವೆ ಕಿರಿಕ್‌ ಆಗಿತ್ತು. ಕಿರಿಕ್ ಆಗ್ತಿದ್ದಂತೆ ಕಾರಿನ ಮಿರರ್ ಗೆ ಹೊಡೆದು ಬಾಬಾಸಾಬ್ ಅತಿರೇಕರದ ವರ್ತನೆ ತೋರಿದ್ದ. ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಕಾರು ಚಾಲಕನ ಮುಖಕ್ಕೆ ಉಗಿದಿದ್ದ. ವಿದ್ಯಾರ್ಥಿಗಳು ಆಟೋದಲ್ಲಿ ಇದ್ದಾಗಲೇ ಆಟೋ ಚಾಲಕ ಅನುಚಿತ ವರ್ತನೆ ತೋರಿದ್ದ. ಕಾರು ಚಾಲಕ ಅಲೆಕ್ಸ್ ಬೋಬಿ ವೆಂಪಲ ಈ ಬಗ್ಗೆ ದೂರು ನೀಡಿದ್ರು. ಕಾರು ಚಾಲಕ‌ ದೂರಿನ ಮೇಲೆ ಆಟೋ ಚಾಲಕನ ಮೇಲೆ ಎಫ್.ಐ.ಆರ್. ಆಗಿತ್ತು. ಈಗ ಆಟೋ ಚಾಲಕ ಬಾಬಾಸಾಬ್ ನನ್ನು ಪೊಲೀಸರು ಬಂಧಿಸಿದ್ದಾರೆ ಎನ್ನಲಾಗಿದೆ.