ರುಚಿಕರವಾದ ಬಜ್ಜಿ, ಪಕೋಡ, ಮಿಕ್ಚರ್, ಸಿಹಿಖಾದ್ಯಗಳು ಇತ್ಯಾದಿ ತಯಾರಿಕೆಯಲ್ಲಿ ಕಡಲೆಹಿಟ್ಟು ಅನಿವಾರ್ಯವಾಗಿರುತ್ತದೆ.
ಅಡುಗೆಮನೆಯ ಪ್ರಮುಖ ಅಂಶವಾದ ಈ ಕಡಲೆಹಿಟ್ಟು ಆಹಾರಕ್ಕೆ ರುಚಿ ನೀಡುವುದಲ್ಲದೆ ಆರೋಗ್ಯಕ್ಕೂ ಸಹಕಾರಿಯಾಗಿದೆ. ಇದರಲ್ಲಿರುವ ಪ್ರೋಟೀನ್, ಕ್ಯಾಲ್ಸಿಯಂ, ಮೆಗ್ನೀಸಿಯಮ್, ಕಬ್ಬಿಣ, ಪೊಟ್ಯಾಸಿಯಂ ಮುಂತಾದ ಖನಿಜಾಂಶಗಳು ದೇಹದ ಮೂಳೆಗಳನ್ನು ಬಲವಾಗಿಡಲು ಮತ್ತು ಸ್ನಾಯುಗಳ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತವೆ.
ಇಷ್ಟೆ ಅಲ್ಲ, ತ್ವಚೆಯ ಅಂದ ಹೆಚ್ಚಿಸಲು ಹಲವರು ಕಡಲೆಹಿಟ್ಟನ್ನು ಫೇಸ್ ಪ್ಯಾಕ್ ಆಗಿಯೂ ಬಳಸುತ್ತಾರೆ. ಆದರೆ ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ದೊರೆಯುತ್ತಿರುವ ಕೆಲವು ಬ್ರಾಂಡ್ಗಳ ಕಡಲೆಹಿಟ್ಟಿನಲ್ಲಿ ಕಲಬೆರಕೆ ನಡೆದಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಕಡಿಮೆ ಬೆಲೆಗೆ ಹೆಚ್ಚು ಲಾಭ ಪಡೆಯಲು ಕೆಲವು ವ್ಯಾಪಾರಿಗಳು ನಕಲಿ ಪದಾರ್ಥಗಳನ್ನು ಬೆರೆಸಿ ಮಾರಾಟ ಮಾಡುವ ಸಂದರ್ಭಗಳೂ ಕಂಡುಬಂದಿವೆ.
ಈ ನಕಲಿ ಕಡಲೆಹಿಟ್ಟಿನ ಸೇವನೆ ಆರೋಗ್ಯಕ್ಕೆ ಹಾನಿಕಾರಕ. ಇಂತಹ ಕಲಬೆರಕೆಯ ಹಿಟ್ಟಿನಲ್ಲಿ ರಾಸಾಯನಿಕ ಅಂಶಗಳು ಇರುವ ಸಾಧ್ಯತೆ ಇದೆ. ಅವು ದೀರ್ಘಾವಧಿಯಲ್ಲಿ ಕೀಲು ನೋವು, ಹೊಟ್ಟೆಕಾಯಿಲೆ, ಚರ್ಮದ ಅಲರ್ಜಿಗಳು ಮತ್ತು ಕೆಲವು ಸಂದರ್ಭಗಳಲ್ಲಿ ಅಂಗವೈಕಲ್ಯಕ್ಕೂ ಕಾರಣವಾಗಬಹುದು. ಹೀಗಾಗಿ ಮನೆಯಲ್ಲೇ ಕಡಲೆಹಿಟ್ಟಿನ ಶುದ್ಧತೆಯನ್ನು ಪರೀಕ್ಷಿಸುವುದು ಅತ್ಯಂತ ಮುಖ್ಯ.
ನಕಲಿ ಕಡಲೆಹಿಟ್ಟನ್ನು ಪತ್ತೆಹಚ್ಚುವ ಸರಳ ವಿಧಾನಗಳು:-
ಹೈಡ್ರೋಕ್ಲೋರಿಕ್ ಆಮ್ಲ ಪರೀಕ್ಷೆ:-
ಒಂದು ಬಟ್ಟಲಿನಲ್ಲಿ ಎರಡು ಅಥವಾ ಮೂರು ಚಮಚ ಕಡಲೆಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಪೇಸ್ಟ್ ರೀತಿ ಮಿಶ್ರಣ ಮಾಡಿ. ಬಳಿಕ ಅದಕ್ಕೆ ಎರಡು ಚಮಚ ಹೈಡ್ರೋಕ್ಲೋರಿಕ್ ಆಮ್ಲ ಸೇರಿಸಿ.
ಕೆಲವು ನಿಮಿಷಗಳ ಕಾಲ ಅದನ್ನು ಹಾಗೆಯೇ ಬಿಡಿ. ಹಿಟ್ಟು ಕೆಂಪು ಅಥವಾ ಕಂದು ಬಣ್ಣಕ್ಕೆ ತಿರುಗಿದರೆ, ಅದರಲ್ಲಿ ಕಲಬೆರಕೆ ಇದೆ ಎಂದರ್ಥ. ಶುದ್ಧ ಕಡಲೆಹಿಟ್ಟಿನಲ್ಲಿ ಯಾವುದೇ ಬಣ್ಣ ಬದಲಾವಣೆ ಆಗುವುದಿಲ್ಲ.
ಮತ್ತೊಂದು ಸುಲಭ ವಿಧಾನ ನಿಂಬೆ ಹಣ್ಣಿನ ಸಹಾಯದಿಂದ. ಒಂದು ಪಾತ್ರೆಯಲ್ಲಿ ಮೂರು ಚಮಚ ಕಡಲೆಹಿಟ್ಟು ತೆಗೆದುಕೊಂಡು ಅದಕ್ಕೆ ಸಮ ಪ್ರಮಾಣದ ನಿಂಬೆ ರಸವನ್ನು ಸೇರಿಸಿ. ಬಳಿಕ ಅದಕ್ಕೆ ಸ್ವಲ್ಪ ಹೈಡ್ರೋಕ್ಲೋರಿಕ್ ಆಮ್ಲ ಸೇರಿಸಿ ಮತ್ತು ಐದು ನಿಮಿಷಗಳವರೆಗೆ ಕಾಯಿರಿ. ಹಿಟ್ಟು ಕೆಂಪು ಅಥವಾ ಕಂದು ಬಣ್ಣಕ್ಕೆ ತಿರುಗಿದರೆ ಅದು ನಕಲಿ ಎಂದು ಖಚಿತವಾಗುತ್ತದೆ. ಬಣ್ಣ ಬದಲಾಗದಿದ್ದರೆ ಅದು ಅಸಲಿ, ಶುದ್ಧ ಕಡಲೆಹಿಟ್ಟು ಎಂದು ಹೇಳಬಹುದು.
ನೈಸರ್ಗಿಕ, ಶುದ್ಧ ಕಡಲೆಹಿಟ್ಟಿನ ಲಕ್ಷಣಗಳು:-
ನೈಸರ್ಗಿಕ ಕಡಲೆಹಿಟ್ಟಿಗೆ ಸೌಮ್ಯ ಹಳದಿ ಬಣ್ಣ ಮತ್ತು ಕಡಲೆ ಹಣ್ಣಿನ ಸ್ವಾದದ ವಾಸನೆ ಇರುತ್ತದೆ.
ಕೈಯಲ್ಲಿ ತಗೊಂಡಾಗ ಮೃದುವಾದರೂ ಸ್ವಲ್ಪ ತೂಕದ ಅನುಭವ ನೀಡುತ್ತದೆ.
ನೀರಿಗೆ ಬೆರೆಸಿದಾಗ ಗುಳ್ಳೆ ಆಗದೆ ಸಮವಾಗಿ ಕರಗುತ್ತದೆ.
ಬಾಯಿಗೆ ಹಾಕಿದಾಗ ಹತ್ತಿರದಿಂದ “ಹುಳಿ ಅಥವಾ ಕಹಿ” ರುಚಿ ಬರುವುದಿಲ್ಲ.