ಇಂಡಿಗೋ ಏರ್ಲೈನ್ಸ್ ನಲ್ಲಿ ನೌಕರಿ ಆಮಿಷ; ಖಾಸಗಿ ಕಂಪನಿಯ ಮಹಿಳೆಗೆ ಲಕ್ಷಾಂತರ ರೂ. ಮೋಸ

3,76.610 ರೂ. ಗಳನ್ನು ಹಾಕಿಸಿಕೊಂಡು ಕೆಲಸ ನೀಡದೆ ಹಣವನ್ನು ಮರಳಿ ಕೊಡದೆ ಮೋಸ

ವಿಜಯಸಾಕ್ಷಿ ಸುದ್ದಿ, ಗದಗ‌

ಇಂಡಿಗೋ ಏರ್ಲೈನ್ಸ್ ಗ್ರೌಂಡ್ ಸ್ಟಾಫ್ ಜಾಬ್ ಆಫರ್ ಮಾಡಿ ಮಹಿಳೆಯೊಬ್ಬರಿಗೆ ಲಕ್ಷಾಂತರ ರೂಪಾಯಿ ಮೋಸ ಮಾಡಿದ ಘಟನೆ ಜರುಗಿದೆ.

ಇಲ್ಲಿನ ಶಿವಾನಂದ ನಗರದ ನಿವಾಸಿಯಾಗಿರುವ ಖಾಸಗಿ ಕಂಪನಿಯ ಉದ್ಯೋಗಿ ಶ್ರುತಿ ಎಂಬುವವರಿಗೆ ನೇಹಾ ಶರ್ಮಾ ಎಂಬವರು ಕರೆ ಹಾಗೂ ಮೆಸೇಜ್ ಮಾಡಿ ಇಂಡಿಗೋ ಏರ್ಲೈನ್ಸ್ ಗ್ರೌಂಡ್ ಸ್ಟಾಫ್ ಜಾಬ್ ಆಫರ್ ಮಾಡಿ ದಿ.08-12-22ರಿಂದ 21-12-22ರ ನಡುವಿನ ಅವಧಿಯಲ್ಲಿ

ಹಂತ ಹಂತವಾಗಿ ರೂ. 3,76.610 ರೂ. ಗಳನ್ನು ಹಾಕಿಸಿಕೊಂಡು ಕೆಲಸ ನೀಡದೆ ಹಣವನ್ನು ಮರಳಿ ಕೊಡದೆ ಮೋಸ ಮಾಡಲಾಗಿದೆ. ಈ ಕುರಿತು ಗದಗ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.