ಬೀಗ ಮುರಿದು ನಗದು ಸೇರಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಲೂಟಿ

ಪೊಲೀಸರ ಭೇಟಿ, ಪರಿಶೀಲನೆ….

ವಿಜಯಸಾಕ್ಷಿ ಸುದ್ದಿ, ಗದಗ

ಮನೆ ಬಾಗಲಿಗೆ ಹಾಕಿದ್ದ ಬೀಗ ಮೀಟಿ ಒಳಹೊಕ್ಕು ಕಳ್ಳರು ಮನೆಯಲ್ಲಿದ್ದ ನಗದು ಸೇರಿದಂತೆ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ದೋಚಿಕೊಂಡು ಪರಾರಿಯಾದ ಘಟನೆ ನಡೆದಿದೆ.

ಗದಗ ತಾಲೂಕಿನ ಮುಂಡರಗಿ ರಸ್ತೆಯ ಪಾಪನಾಶಿ ಗ್ರಾಮದ ರೈತ ಕೊಟ್ರಯ್ಯ ಬಸಯ್ಯ ಶಿರೋಳ ಎಂಬುವರು ಮನೆಯೇ ಕಳ್ಳತನವಾಗಿದ್ದು, ಮನೆಯಲ್ಲಿದ್ದ ಟ್ರಜರಿಯ ಬಾಗಿಲು ಯಾವುದು ವಸ್ತುವಿನಿಂದ ಮುರಿದು ಅದರೊಳಗೆ ಇದ್ದ 2 ಲಕ್ಷ 25 ಸಾವಿರ ರೂ ಮೌಲ್ಯದ 45 ಗ್ರಾಮ ತೂಕದ ಬಂಗಾರದ ತಾಳಿ ಚೈನ್, 15 ಸಾವಿರ ರೂ. ಮೌಲ್ಯದ ಮೂರು ಗ್ರಾಮ ತೂಕದ ಬಂಗಾರದ ಗಟ್ಟಿ ಚೂರುಗಳು, 17,500 ರೂ. ಮೌಲ್ಯದ ಬೆಳ್ಳಿಯ ಆರತಿ ಸಟ್ಟು, 11,200 ರೂ. ಗಳ ಬೆಳ್ಳಿಯ ಕಾಲ್ ಚೈನ್, ಹಾಗೂ 53 ಸಾವಿರ ನಗದು ಹಣ ಸೇರಿದಂತೆ 3,21, 700 ರೂ, ಮೌಲ್ಯದ ವಸ್ತುಗಳನ್ನು
ಕಳವು ಮಾಡಲಾಗಿದೆ.

ಈ ಕುರಿತು ಪಾಪನಾಶಿ ಗ್ರಾಮದ ಕೊಟ್ರಯ್ಯ ಬಸಯ್ಯ ಶಿರೋಳ ಎಂಬುವರು ಗದಗ ಗ್ರಾಮೀಣ ಠಾಣೆಗೆ ದೂರು ‌ನೀಡಿದ್ದು, ಕ್ರೈಮ್ ನಂಬರ್-0214/2023, IPC 1860(U/s-457,380) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.