ವಿಜಯಸಾಕ್ಷಿ ಸುದ್ದಿ, ನರೇಗಲ್
ಅಕ್ರಮವಾಗಿ ಪಡಿತರ ಅಕ್ಕಿ ಸಂಗ್ರಹಿಸಿ ವಾಹನದಲ್ಲಿ ಸಾಗಿಸಲು ಮುಂದಾದ ಆರೋಪಿ ಸಮೇತ ಸಾವಿರಾರು ರೂ. ಮೌಲ್ಯದ ಅಕ್ಕಿಯನ್ನು ವಶಪಡಿಸಿಕೊಂಡ ಘಟನೆ ಸಮೀಪದ ಅಬ್ಬಿಗೇರಿ ಗ್ರಾಮದಲ್ಲಿ ಜರುಗಿದೆ.
ಅಬ್ಬಿಗೇರಿ ಗ್ರಾಮದ ಗ್ರಾಮ ಲೆಕ್ಕಾಧಿಕಾರಿಗಳ ಕಛೇರಿ ಬಳಿ ಇರುವ ಆರೋಪಿ ಶಂಕ್ರಪ್ಪ ಮಲ್ಲಪ್ಪ ಹೊಂಬಾಳ್ಳಿ ಎಂಬಾತ ಗ್ರಾಮದ ಮನೆ ಮನೆಗಳಲ್ಲಿ ಸರಕಾರದಿಂದ ಕೊಡುವ ಪಡಿತರ ಅಕ್ಕಿಯನ್ನು ಸಂಗ್ರಹಿಸಿ, ಟ್ರ್ಯಾಕರ್ ನಲ್ಲಿ(AP-04 TX-8946) ಹೇರಿಕೊಂಡು ಮತ್ತೊಂದು ವಾಹನ ಮಿನಿ ಗೂಡ್ಸ್ ವಾಹನದಲ್ಲಿ (KA-63-4465) ಲೋಡ ಮಾಡಿಕೊಂಡ ಸಂದರ್ಭದಲ್ಲಿ ಆಹಾರ ಇಲಾಖೆಯ ಅಧಿಕಾರಿಗಳು ದಾಳಿ ಮಾಡಿ ಆರೋಪಿ ಶಂಕ್ರಪ್ಪ ಮಲ್ಲಪ್ಪ ಹೊಂಬಾಳ್ಳಿ ಎಂಬಾತನನ್ನು ವಶಕ್ಕೆ ಪಡೆದು, ಅಕ್ರಮವಾಗಿ ಇದ್ದ ಸುಮಾರು 75,900 ರೂ. ಮೌಲ್ಯದ 33 ಕ್ವಿಂಟಾಲ್ ಅಕ್ಕಿಯನ್ನು ಜಪ್ತಿ ಮಾಡಿದ್ದಾರೆ.
ಈ ಕುರಿತು ಆಹಾರ ಇಲಾಖೆಯ ಅಧಿಕಾರಿ ಪವಾಡಿಗೌಡ ಮಾಲಿಪಾಟೀಲ ಎಂಬುವರು ನೀಡಿದ ದೂರಿನ ಮೇರೆಗೆ 0093/2022 ನರೇಗಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.