ಚಹಾ ಎಂದರೆ ಅನೇಕರಿಗೆ ಅಚ್ಚುಮೆಚ್ಚಿನ ಪಾನೀಯ. ಬೆಳಿಗ್ಗೆ ದಿನಾರಂಭಕ್ಕೆ ಒಂದು ಕಪ್ ಬಿಸಿ ಚಹಾ, ಸಂಜೆ ಬಿಸ್ಕತ್ತುಗಳೊಂದಿಗೆ ಚಹಾ, ಈ ಅಭ್ಯಾಸ ಅನೇಕ ಮನೆಗಳಲ್ಲಿ ಸಾಮಾನ್ಯ. ಹಲವರು ಚಹಾ, ಬಿಸ್ಕತ್ ಸಂಯೋಜನೆಯನ್ನು ಆರೋಗ್ಯಕರವೆಂದು ಭಾವಿಸುವರು. ಆದರೆ ಆರೋಗ್ಯ ತಜ್ಞರ ಪ್ರಕಾರ ಈ ಸಂಯೋಜನೆ ತಂಬಾಕಿಗಾಗಿ ಸಮಾನವಾಗಿದೆ ಎಂಬುವುದು ಅನೇಕರಿಗೆ ತಿಳಿದಿಲ್ಲ.
ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೆಚ್ಚಿನ ಬಿಸ್ಕತ್ತುಗಳು ಸಂಸ್ಕರಿಸಿದ ಹಿಟ್ಟು, ಹೆಚ್ಚಿನ ಸಕ್ಕರೆ, ಉಪ್ಪು ಮತ್ತು ಸಂರಕ್ಷಕಗಳನ್ನು ಹೊಂದಿರುತ್ತವೆ. ಇದರೊಂದಿಗೆ ಚಹಾ ಕುಡಿಯುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟದಲ್ಲಿ ತಕ್ಷಣ ಏರಿಕೆ ಉಂಟಾಗುತ್ತದೆ. ಇದು ದೀರ್ಘಾವಧಿಯಲ್ಲಿ ಹಲವಾರು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುವ ಸಾಧ್ಯತೆ ಇದೆ.
ಚಹಾ ಮತ್ತು ಬಿಸ್ಕತ್ತುಗಳಿಂದ ಆಗಬಹುದಾದ ಸಮಸ್ಯೆಗಳು
-
ಶಕ್ತಿ ಹೀನತೆ: ಸಂಸ್ಕರಿಸಿದ ಹಿಟ್ಟು, ಸಕ್ಕರೆ ಮತ್ತು ಅನಾರೋಗ್ಯಕರ ಕೊಬ್ಬುಗಳಿಂದ ಕೂಡಿರುವ ಬಿಸ್ಕತ್ತುಗಳು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಒಂದು ಕ್ಷಣದಲ್ಲಿ ಏರಿಸಿ ನಂತರ ಕುಸಿಸುತ್ತವೆ. ಇದರಿಂದ ಆಯಾಸ ಮತ್ತು ಶಕ್ತಿ ಹೀನತೆ ಉಂಟಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
-
ಜೀರ್ಣ ಸಮಸ್ಯೆಗಳು: ಚಹಾ–ಬಿಸ್ಕತ್ ಸಂಯೋಜನೆ ಹೊಟ್ಟೆಗೆ ಒಳ್ಳೆಯದಾಗಿಲ್ಲ. ಜೀರ್ಣವಾಗಲು ಕಷ್ಟವಾಗುವ ಸಂಸ್ಕರಿಸಿದ ಹಿಟ್ಟು, ಸಕ್ಕರೆ ಮತ್ತು ಕೊಬ್ಬುಗಳು ಅನಿಲ, ಆಮ್ಲೀಯತೆ ಸೇರಿದಂತೆ ಹಲವು ಜೀರ್ಣ ಸಮಸ್ಯೆಗಳನ್ನು ಉಂಟುಮಾಡಬಹುದು.
-
ಕ್ಯಾಫೀನ್–ಸಕ್ಕರೆ ಮಿಶ್ರಣದ ದುಷ್ಪರಿಣಾಮ: ಚಹಾದಲ್ಲಿರುವ ಕ್ಯಾಫೀನ್ ಮತ್ತು ಸಕ್ಕರೆಯ ಜೊತೆಗೆ ಬಿಸ್ಕತ್ತುಗಳಲ್ಲಿ ಇರುವ ಹೆಚ್ಚುವರಿ ಸಕ್ಕರೆ ಮತ್ತು ಕೊಬ್ಬುಗಳು ದೇಹದ ಮೇಲೆ ಅನಾರೋಗ್ಯಕರ ಪರಿಣಾಮ ಬೀರುತ್ತವೆ.
-
ತೂಕ ಏರಿಕೆ: ಬಿಸ್ಕತ್ತುಗಳಲ್ಲಿ ಇರುವ ಹೆಚ್ಚಿನ ಕ್ಯಾಲೋರಿಗಳು, ಟ್ರಾನ್ಸ್ ಫ್ಯಾಟ್, ಹಿಟ್ಟು ಮತ್ತು ಸಕ್ಕರೆ ತೂಕ ಹೆಚ್ಚಾಗಲು ಕಾರಣವಾಗುತ್ತವೆ. ಚಯಾಪಚಯ ಕ್ರಿಯೆ ನಿಧಾನಗೊಳ್ಳುವುದರಿಂದ ದೇಹದಲ್ಲಿ ಕೊಬ್ಬಿನ ಸಂಗ್ರಹಣೆಯಾಗುತ್ತದೆ.
ಚಹಾದೊಂದಿಗೆ ಏನನ್ನಾದರೂ ತಿನ್ನಬೇಕೆಂದಿದ್ದರೆ ಬಿಸ್ಕತ್ತನ್ನು ಬಿಟ್ಟು ಮಖಾನಾ (ಫಾಕ್ಸ್ ನಟ್) ಒಳ್ಳೆಯ ಪರ್ಯಾಯ. ಜೊತೆಗೆ ಹುರಿದ ಕಡಲೆ, ಕಡಲೆಕಾಯಿ ಅಥವಾ ಮನೆಯಲ್ಲಿ ತಯಾರಿಸಿದ ಇತರ ಆರೋಗ್ಯಕರ ಸ್ನ್ಯಾಕ್ಗಳನ್ನು ಸೇವಿಸಬಹುದು ಎಂದು ತಜ್ಞರು ಸಲಹೆ ನೀಡುತ್ತಿದ್ದಾರೆ.
