ಮೊದಲ ಹಂತದ ಗ್ರಾ. ಪಂ. ಚುನಾವಣೆ:
ಜಿಲ್ಲೆಯಲ್ಲಿ ಶೇ. 79.12 ರಷ್ಟು ಮತದಾನ

ವಿಜಯಸಾಕ್ಷಿ ಕನ್ನಡ ದಿನಪತ್ರಿಕೆ, ಗದಗ

ಮೊದಲ ಹಂತದ ಗ್ರಾಮ ಪಂಚಾಯತಿ ಚುನಾವಣೆ ಮತದಾನವು ಜಿಲ್ಲೆಯ ಗದಗ, ಲಕ್ಷ್ಮೇಶ್ವರ ಹಾಗೂ ಶಿರಹಟ್ಟಿ ತಾಲೂಕುಗಳ ಗ್ರಾಮ ಪಂಚಾಯತಿಗಳಲ್ಲಿ ಸಣ್ಣಪುಟ್ಟ ಮಾತಿನ ಚಕಮಕಿ ಹೊರತಾಗಿ ಶಾಂತಿಯುತವಾಗಿ ಜರುಗಿದೆ. ಜಿಲ್ಲೆಯಲ್ಲಿ ಅಂತಿಮವಾಗಿ ಶೇ. 79.12 ರಷ್ಟು ಮತದಾನವಾಗಿದ್ದು, ಗದಗ ತಾಲ್ಲೂಕಿನಲ್ಲಿ ಶೇ.80.03, ಲಕ್ಷ್ಮೇಶ್ವರ ಶೇ.78.23 ಹಾಗೂ ಶಿರಹಟ್ಟಿ ಶೇ.79.09 ರಷ್ಟು ಮತದಾನವಾಗಿದೆ.

ಮೊದಲ ಹಂತದ ಗ್ರಾಮ ಪಂಚಾಯತಿ ಚುನಾವಣೆಯ ಶೇಖಡಾವಾರು ಮತದಾನದ ವಿವರ ಇಂತಿದೆ; ಬೆ. 9 ಗಂಟೆಯವರೆಗೆ ಗದಗ ತಾಲೂಕಿನಲ್ಲಿ ಶೇಕಡ 7.31, ಲಕ್ಷ್ಮೇಶ್ವರ ಶೇ. 7.02, ಶಿರಹಟ್ಟಿ ಶೇ. 5.80, ಒಟ್ಟಾರೆ ಶೇ.6.70 ರಷ್ಟು ಮತದಾನವಾಯಿತು. ಬೆ. 11 ಗಂಟೆಯವರೆಗೆ ಗದಗ ತಾಲೂಕಿನಲ್ಲಿ ಶೇಕಡ22.82, ಲಕ್ಷ್ಮೇಶ್ವರ ಶೇ. 24.10, ಶಿರಹಟ್ಟಿ ಶೇ. 21.69 ಒಟ್ಟಾರೆ ಶೇ. 22.86 ರಷ್ಟು ಮತದಾನವಾಯಿತು.

ಮಧ್ಯಾಹ್ನ 1 ಗಂಟೆಯವರೆಗೆ ಗದಗ ತಾಲೂಕಿನಲ್ಲಿ ಶೇಕಡ 41.67 , ಲಕ್ಷ್ಮೇಶ್ವರ ಶೇ. 39.94, ಶಿರಹಟ್ಟಿ ಶೇ. 42.06 ಒಟ್ಟಾರೆ ಶೇ. 41.22ರಷ್ಟು ಮತದಾನವಾಯಿತು. ಮಧ್ಯಾಹ್ನ 3 ಗಂಟೆಯವರೆಗೆ ಗದಗ ತಾಲೂಕಿನಲ್ಲಿ ಶೇಕಡ 60.10, ಲಕ್ಷ್ಮೇಶ್ವರ ಶೇ. 58.49, ಶಿರಹಟ್ಟಿ ಶೇ. 60.49 ಒಟ್ಟಾರೆ ಶೇ. 59.70 ರಷ್ಟು ಮತದಾನವಾಯಿತು.

ಕೆಲವೊಂದು ಗ್ರಾಮಗಳಲ್ಲಿ ಚುನಾವಣೆ ಸಂದರ್ಭದಲ್ಲಿ ಕಾಂಗ್ರೆಸ್ ಹಾಗೂ ಬಿಜೆಪಿ ಪಕ್ಷದ‌ ಕಾರ್ಯಕರ್ತರಲ್ಲಿ ಮಾತಿನ ಚಕಮಕಿ ನಡೆದಿದ್ದು, ಯಾವುದೇ ಅಹಿತಕರ ಘಟನೆ ನಡೆಯದಂತೆ ಪೊಲೀಸ್ ಬಂದೂಬಸ್ತ್ ಮಾಡಲಾಗಿತ್ತು.