ಮನೆಯ ಬೀಗ ಮುರಿದು ಕಳವು

ವಿಜಯಸಾಕ್ಷಿ ಸುದ್ದಿ, ಮುಂಡರಗಿ

ಹಾಡುಹಗಲೇ ಮನೆಯ ಬಾಗಿಲಿಗೆ ಹಾಕಿದ್ದ ಬೀಗ ಮುರಿದು ಕಳವು ಮಾಡಿರುವ ಘಟನೆ ಮುಂಡರಗಿ ತಾಲೂಕಿನ ಡೋಣಿತಾಂಡದಲ್ಲಿ ನಡೆದಿದೆ.

ಕಳೆದ ಸೆ. 26ರಂದು ಬೆಳಿಗ್ಗೆ 8ಗಂಟೆಯ ಸುಮಾರು ಬೀಗ ಮುರಿದು ಒಳನುಸುಳಿದ ಕಳ್ಳರು, ಮನೆಯ ಹಾಲ್‍ನಲ್ಲಿನ ತಿಜೋರಿಯ ಬೀಗ ಹೊಡೆದು, ಅದರಲ್ಲಿನ ರೂ. 78ಸಾವಿರ ಮೌಲ್ಯದ ಚಿನ್ನ, ಬೆಳ್ಳಿ ಆಭರಣ ಹಾಗೂ ರೂ. 20ಸಾವಿರ ನಗದು ಹಣ ದೋಚಿ ಪರಾರಿಯಾಗಿದ್ದಾರೆ.

ಈ ಕುರಿತು ಮನೆಯ ಮಾಲೀಕ ಬಸಪ್ಪ ಚವ್ಹಾಣ್ ಮುಂಡರಗಿ ಠಾಣೆಯಲ್ಲಿ ದೂರು ಸಲ್ಲಿಸಿದ್ದು, ಪ್ರಕರಣವನ್ನು ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.