ಬೆಂಗಳೂರು: ಹುದ್ದೆ ತೋರಿಸದೇ ಅಧಿಕಾರಿಗಳನ್ನು ವರ್ಗಾಯಿಸುವಂತಿಲ್ಲ ಎಂದು ಕರ್ನಾಟಕ ಹೈಕೋರ್ಟ್ನ ವಿಭಾಗೀಯ ಪೀಠ ಮಹತ್ವದ ಆದೇಶ ನೀಡಿದೆ.
ಪೀಠದ ತೀರ್ಪಿನ ಪ್ರಕಾರ, ಹುದ್ದೆ ತೋರಿಸದೇ ವರ್ಗಾವಣೆ ಮಾಡುವ ಕ್ರಮದಿಂದ ಸರ್ಕಾರದ ಬೊಕ್ಕಸಕ್ಕೆ ನಷ್ಟವಾಗುವುದು, ತೆರಿಗೆದಾರರ ಹಣದ ದುರ್ವಿನಿಯೋಗ ಸಂಭವಿಸುವುದು, ಮತ್ತು ಕೆಲಸಕ್ಕೆ ಹೋಗದೆ ಮನೆಯಲ್ಲಿಯೇ ಕುಳಿತವರಿಗೆ ಸಂಬಳ ನೀಡಿದಂತಾಗುವುದು. ಹೀಗಾಗಿ, ಅಧಿಕಾರಿಯ ಹುದ್ದೆ ಸ್ಪಷ್ಟವಾಗಿ ತೋರಿಸದೇ ಹಿಂದಿನ ಹುದ್ದೆಯಿಂದ ಬಿಡುಗಡೆ ಮಾಡಬಾರದು ಎಂದು ಆದೇಶಿಸಿದೆ.
ಹೆಚ್ಚಾಗಿ, ಹುದ್ದೆ ತೋರಿಸದೇ ವರ್ಗಾವಣೆ ಮಾಡಿದರೆ, ತಡೆತ ಪ್ರಕ್ರಿಯೆಯ ಹೊಣೆಗಾರತ್ವ ಇಲಾಖೆಯ ಮುಖ್ಯಸ್ಥರ ಮೇಲಿರುತ್ತದೆ. ಹೈಕೋರ್ಟ್ ಆದೇಶದಲ್ಲಿ, ಕಾಯುವಿಕೆಯ ಅವಧಿಯ ವೇತನವನ್ನು ಕಾರಣಕರ್ತ ಅಧಿಕಾರಿಯಿಂದಲೇ ವಸೂಲು ಮಾಡಬೇಕೆಂದು ಸ್ಪಷ್ಟಪಡಿಸಲಾಗಿದೆ.
ಅಬಕಾರಿ ಉಪ ಆಯುಕ್ತ ಕೆ. ಅರುಣ್ ಕುಮಾರ್ ಅವರನ್ನು ಹುದ್ದೆ ತೋರಿಸದೇ 2025ರ ಜನವರಿ 29ರಂದು ವರ್ಗಾವಣೆ ಮಾಡಲಾಗಿತ್ತು. ಹುದ್ದೆಯಿಲ್ಲದ ಕಾರಣ ಅವರು ತಮ್ಮ ಪೋಸ್ಟಿಂಗ್ಗಾಗಿ ಹೈಕೋರ್ಟ್ ನಲ್ಲಿ ರಿಟ್ ಅರ್ಜಿ ಸಲ್ಲಿಸಿದ್ದರು.
