ದೇವನಹಳ್ಳಿ: ಗ್ರಾಮದಲ್ಲಿನ ಸುಮಾರು 50 ವರ್ಷಗಳ ಹಳೆಯ ಓವರ್ ಟ್ಯಾಂಕ್ ಕುಸಿಯುವ ಹಂತದಲ್ಲಿದ್ದು, ಸುತ್ತಮುತ್ತಲ ನಿವಾಸಿಗಳನ್ನು ಆತಂಕದಲ್ಲಿ ಮುಳುಗಿಸಿದೆ.
ಟ್ಯಾಂಕ್ ಕಟ್ಟಡದಲ್ಲಿ ದಿನನಿತ್ಯ ಬಿರುಕು ಬಿದ್ದಿದ್ದು, ಅದರಿಂದ ನೀರು ಲೀಕೇಜ್ ಆಗುತ್ತಿದೆ. ಪಕ್ಕದಲ್ಲೇ ವಿದ್ಯುತ್ ತಂತಿಗಳು ಹಾದು ಹೋಗಿದ್ದು, ಟ್ಯಾಂಕ್ ಬಳಿ ಅಂಗನವಾಡಿ ಕಾರ್ಯಾಲಯವಿರುವುದರಿಂದ ಮಕ್ಕಳ ಸುರಕ್ಷತೆ ಬಗ್ಗೆಯೂ ಆತಂಕ ಮೂಡಿಸಿದೆ.
ಅಪಾಯದಲ್ಲಿರುವ ಈ ಟ್ಯಾಂಕ್ ಮೂಲಕ ಪ್ರತಿದಿನವೂ ಸಾವಿರಾರು ಲೀಟರ್ ನೀರು ಸರಬರಾಜಾಗುತ್ತಿದೆ. ಈ ಬಗ್ಗೆ ಗ್ರಾಮ ಪಂಚಾಯತ್ PDO ಅವರಿಗೆ ಅನೇಕ ಸಲ ಮನವಿ ಮಾಡಿದರೂ, ಅಧಿಕಾರಿಗಳು ನಿರ್ಲಕ್ಷ್ಯ ತೋರುತ್ತಿದ್ದಾರೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.
ಗ್ರಾಮದ ಜನಪ್ರತಿನಿಧಿಗಳು ತಕ್ಷಣ ಕ್ರಮ ಕೈಗೊಳ್ಳುವಂತೆ ಸ್ಥಳೀಯರು ಆಗ್ರಹಿಸುತ್ತಿದ್ದಾರೆ, ಇಲ್ಲದಿದ್ದರೆ ದೊಡ್ಡ ಅಪಾಯ ಸಂಭವಿಸಬಹುದು ಎಂದು ಗ್ರಾಮಸ್ಥರು ಎಚ್ಚರಿಸಿದ್ದಾರೆ.
