ಗದಗ-ಬೆಟಗೇರಿಯ ರಾಜೀವಗಾಂಧಿ ನಗರದ ನಿವಾಸಿ ಮೋಸ……
ವಿಜಯಸಾಕ್ಷಿ ಸುದ್ದಿ, ಗದಗ
ಬ್ಯಾಂಕ್ ಅಕೌಂಟ್ ಬ್ಲಾಕ್ ಆಗಿದೆಯೆಂದು ಹೇಳಿ, ಕೆವೈಸಿ ಅಪ್ಡೇಟ್ ಮಾಡುವ ನೆಪದಲ್ಲಿ ಬ್ಯಾಂಕ್ ಖಾತೆಯ ಮಾಹಿತಿಗಳನ್ನು ಪಡೆದು, ಖಾತೆಯಿಂದ ಲಕ್ಷಾಂತರ ರೂ. ಹಣವನ್ನು ವರ್ಗಾವಣೆ ಮಾಡಿಕೊಂಡು ಮೋಸವೆಸಗಿದ ಅಪರಾಧದ ಬಗ್ಗೆ ಗದಗ ಸಿಇಎನ್‌ ಠಾಣೆಯಲ್ಲಿ ಪ್ರಕರಣವೊಂದು ದಾಖಲಾಗಿದೆ.
ಮೇ.9ರಂದು ಸಂಜೆ 4 ಗಂಟೆಯ ಸುಮಾರಿಗೆ ದೂರುದಾರ ರಾಜೀವಗಾಂಧಿ ನಗರದ ನಿವೃತ್ತ ನೌಕರ ಇಮಾಮಸಾಬ್‌ ಫಕ್ರುಸಾಬ್‌ ದೊಡ್ಡಮನಿ ಎಂಬುವರಿಗೆ ಯಾರೋ ಅಪರಿಚಿತರು ಮೆಸೇಜ್‌ ಕಳುಹಿಸಿದ್ದರು.
ಅದರಲ್ಲಿ, ನಿಮ್ಮ ಅಕೌಂಟ್ ಬ್ಲಾಕ್ ಆಗಿದ್ದು, ಕೆವೈಸಿ ಅಪ್ಡೇಟ್ ಮಾಡಬೇಕಿದೆ ಎಂದು ಅವರ ಡೆಬಿಟ್‌ ಕಾರ್ಡ್‌ ನಂಬರ್‌ ಹಾಗೂ ಒಟಿಪಿ ನಂಬರ್‌ ಪಡೆದುಕೊಂಡಿದ್ದರು.
ನಂತರ, ದೂರುದಾರರ ಕೆನರಾ ಬ್ಯಾಂಕ್ ಖಾತೆಯಿಂದ ಹಂತಹಂತವಾಗಿ ಒಟ್ಟೂ 1,27,600 ರೂ ಹಣವನ್ನು ತಮ್ಮ ಖಾತೆಗೆ ವರ್ಗಾವಣೆ ಮಾಡಿಕೊಂಡು ಮೋಸ ಮಾಡಿದ್ದಾರೆ.
ಈ ಕುರಿತು ಅಪರಾಧ 0041/2023, ಐಟಿ ಕಾಯ್ದೆ 2008ರ ಕಲಂ 66ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.