ರಾಮನಗರ: ದ್ವೇಷದ ರಾಜಕಾರಣ ಮಾಡುವುದರಲ್ಲಿ ದೇವೇಗೌಡ ನಂಬರ್ ಒನ್ ಎಂದು ಮಾಜಿ ಪ್ರಧಾನಿ ವಿರುದ್ಧ ಸಿಎಂ ಸಿದ್ದರಾಮಯ್ಯ ಕಿಡಿಕಾರಿದ್ದಾರೆ. ಉಪ ಕಣದ ಹೈಓಲ್ಟೇಜ್ ಕ್ಷೇತ್ರ ಚನ್ನಪಟ್ಟಣದಲ್ಲಿ ರಣತಂತ್ರ ಜೋರಾಗಿದೆ, ಕೈ ಅಭ್ಯರ್ಥಿ ಸಿಪಿ ಯೋಗೇಶ್ವರ್ ಗೆಲುವಿಗೆ ಬಹಿರಂಗ ಸಭೆಯಲ್ಲಿ ಸಿಎಂ ಮಾತನಾಡಿದ್ದಾರೆ. ಚನ್ನಪಟ್ಟಣದಲ್ಲಿ ಯೋಗೇಶ್ವರ್ ಅವರಿಗೆ ಟಿಕೆಟ್ ಕೊಡಬೇಕಿತ್ತು. ಆದರೆ ನಿಖಿಲ್ಗೆ ಟಿಕೆಟ್ ಕೊಡಲಾಗಿದೆ.
ದೇವೇಗೌಡರಿಗೆ ಪುತ್ರ, ಮೊಮ್ಮಗನ ವ್ಯಾಮೋಹ ಇಲ್ಲದೇ ಹೋಗಿದ್ದರೆ ಯೋಗೇಶ್ವರ್ʼಗೆ ಟಿಕೆಟ್ ಸಿಗುತಿತ್ತು. ಆದರೆ ಅವರು ಕೊಡಲಿಲ್ಲ. ನಾನು ಬಹಳ ವರ್ಷಗಳಿಂದ ದೇವೇಗೌಡರನ್ನು ನೋಡಿದ್ದೇನೆ. ದೇವೇಗೌಡರು ಯಾವ ಒಕ್ಕಲಿಗರನ್ನು ಬೆಳೆಸಲೂ ಇಲ್ಲ. ನಾನು ಹಿಂದುಳಿದ ವರ್ಗದವನು ಎಂಬ ಕಾರಣಕ್ಕೆ ನನ್ನ ವಿರೋಧಿಸುತ್ತಾರೆ.
ಆದರೆ ಮಿಸ್ಟರ್ ದೇವೇಗೌಡ ಒಕ್ಕಲಿಗರನ್ನೇ ಬೆಳೆಸಿದ್ದೀರಾ..? ದ್ವೇಷದ ರಾಜಕಾರಣ ಮಾಡುವುದರಲ್ಲಿ ದೇವೇಗೌಡ ನಂಬರ್ ಒನ್ ಎಂದು ಕಿಡಿ ಕಾರಿದ್ರು. ಪ್ರಧಾನಿ ಮೋದಿ ಅವರನ್ನು ಒಪ್ಪಿಸಿ ಮೇಕೆದಾಟು ಯೋಜನೆ ಮಾಡಿಸುತ್ತೇನೆ ಎಂದು ಹೇಳಿದ್ದಾರೆ. ಮಿಸ್ಟರ್ ದೇವೇಗೌಡ.. ಮೋದಿ ಅವರು ಪ್ರಧಾನಿ ಆದರೆ ದೇಶ ಬಿಟ್ಟು ಹೋಗುವೆ ಅಂತಾ ಹೇಳಿದ್ದೀರಿ. ಅವರನ್ನು ನೀವು ಒಪ್ಪಿಸಲು ಆಗುತ್ತಾ..? ಎಂದು ಟೀಕಿಸಿದರು.