ಹಾವೇರಿ: ಜಿಲ್ಲೆಯ ಹಾನಗಲ್ ಪಟ್ಟಣದಲ್ಲಿ ನಡೆದಿದ್ದ ಗ್ಯಾಂಗ್ ರೇಪ್ ಪ್ರಕರಣದ ಆರೋಪಿಗಳಿಗೆ ದೊಡ್ಡ ಹೊಡೆತ ಎದುರಾಗಿದೆ. ಗ್ಯಾಂಗ್ ರೇಪ್ ಪ್ರಕರಣದ ಏಳು ಮಂದಿ ಪ್ರಮುಖ ಆರೋಪಿಗಳನ್ನು ಹಾವೇರಿ ಜಿಲ್ಲೆಯಿಂದ ಯಾದಗಿರಿ ಜಿಲ್ಲೆಗೆ ಒಂದು ವರ್ಷದ ಅವಧಿಗೆ ಗಡಿಪಾರು ಮಾಡಲಾಗಿದೆ.
ಹಾವೇರಿ ಜಿಲ್ಲೆಯ ಸವಣೂರು ಉಪವಿಭಾಗದ ಅಧಿಕಾರಿಗಳಿಂದ ಗಡಿಪಾರು ಆದೇಶ ಹೊರಡಿಸಲಾಗಿದ್ದು, ಕಾನೂನು ಮತ್ತು ಸುವ್ಯವಸ್ಥೆಗೆ ಧಕ್ಕೆಯಾಗುವ ಸಾಧ್ಯತೆಯ ಹಿನ್ನೆಲೆಯಲ್ಲಿ ಪೊಲೀಸರು ಈ ಕ್ರಮ ಕೈಗೊಂಡಿದ್ದಾರೆ.
A1 ಅಪ್ತಾಬ್ ಮಖಬೂಲ ಅಹ್ಮದ್, A2 ಮದರಸಾಬ್ ಮಹ್ಮದ್ ಸಾಧಿಕ್, A3 ಮಹ್ಮದ್ ಸಾಧಿಕ್ ಬಾಬುಸಾಬ್, A4 ರಿಯಾಜ್ ಅಬ್ದುಲ್ ರಫಿಕ್, A5 ಸಮೀವುಲ್ಲಾ ಅಬ್ದುಲ್ ವಾಹೀದ್, A6 ಶೋಹಿಬ್ ನಿಯಾಜ್ ಅಹ್ಮದ್, A7 ತೌಸೀಪ್ ಅಹ್ಮದ್ ಗಡಿಪಾರುಗೊಂಡ ಆರೋಪಿಗಳು.
ಗಡಿಪಾರು ಅವಧಿಯಲ್ಲಿ ಆರೋಪಿಗಳು ಪ್ರತಿನಿತ್ಯ ಯಾದಗಿರಿ ಜಿಲ್ಲೆಯ ಹುಣಸಗಿ ಪೊಲೀಸ್ ಠಾಣೆಯಲ್ಲಿ ಹಾಜರಾತಿ ಹಾಕುವಂತೆ ಷರತ್ತು ವಿಧಿಸಲಾಗಿದೆ. ಈ ಪ್ರಕರಣವು 2024ರ ಜನವರಿ 11ರಂದು ಹಾನಗಲ್ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದ್ದ ಸಾಮೂಹಿಕ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದೆ. ಜಾಮೀನಿನ ಮೇಲೆ ಬಿಡುಗಡೆಗೊಂಡ ಬಳಿಕ ಆರೋಪಿಗಳು ರೋಡ್ ಶೋ ನಡೆಸಿದ್ದ ಹಿನ್ನೆಲೆಯಲ್ಲಿ ಕೂಡ ಪೊಲೀಸರ ಕ್ರಮಕ್ಕೆ ಕಾರಣವಾಗಿದೆ.
