- ತುಮಕೂರಿನಲ್ಲಿ ಕಾಂಗ್ರೆಸ್ ಮಾಜಿ ಶಾಸಕ ಕೆ.ಎನ್. ರಾಜಣ್ಣ ವಾಗ್ದಾಳಿ.
ವಿಜಯಸಾಕ್ಷಿ ಸುದ್ದಿ, ತುಮಕೂರು
ಸಿಟಿ ರವಿ ನಾಲಿಗೆಯನ್ನು ಇಟ್ಟಿಗೆ ತಗೊಂಡು ಉಜ್ಜಿ ಸರಿ ಮಾಡಬೇಕು ಎಂದು ಕಾಂಗ್ರೆಸ್ ನ ಮಾಜಿ ಕೆ.ಎನ್. ರಾಜಣ್ಣ ವಾಗ್ದಾಳಿ ನಡೆಸಿದ್ದಾರೆ.
ತುಮಕೂರಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಇಂದಿರಾ ಕ್ಯಾಂಟೀನ್ ಹೆಸರು ಬದಲಾವಣೆ ವಿಚಾರವಾಗಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ ರಾಜಣ್ಣ, ಆಲಮಟ್ಟಿ ಡ್ಯಾಂಗೆ ಲಾಲ್ ಬಹದ್ದೂರ್ ಶಾಸ್ತ್ರಿ ಹೆಸರು ಬದಲಾಯಿಸಿ ವಾಜಪೇಯಿ ಹೆಸರಿಡೋಕೆ ಆಗುತ್ತಾ? ಬಡವರ ಪರವಾದ ಹೊಸ ಯೋಜನೆ ತಂದು ತಮಗೆ ಬೇಕಾದ ಹೆಸರು ಇಟ್ಟುಕೊಳ್ಳಲಿ ಎಂದು ಸಲಹೆ ನೀಡಿದ್ದಾರೆ.
ರಾಜೀವ್ ಗಾಂಧಿ ಹೆಸರು ಬದಲಾಯಿಸಿ ಧ್ಯಾನ್ ಚಂದ್ ಹೆಸರಿಡೋದು ಸಣ್ಣ ತನದ ಪರಮಾವಧಿ. ರಾಜೀವ್ ಗಾಂಧಿ ದೇಶಕ್ಕೆ ಕೊಟ್ಟ ಕೊಡುಗೆಗಳಿಗೆ ಅಪಚಾರ ಮಾಡಿದಂತೆ. ಬೇಕಾದರೆ ಬೇರೆ ಪ್ರಶಸ್ತಿ ಮಾಡಿ ಧ್ಯಾನಚಂದ್ ಹೆಸರು ಇಡಲಿ.
ಯಾರ ಬೇಡ ಅಂತಾರೆ. ಇಂದಿರಾ ಗಾಂಧಿ ಹೆಸರು ಇಡೀ ಪ್ರಪಂಚಕ್ಕೆ ಗೊತ್ತು. ಇಂದಿರಾ ಎಂದರೆ ಇಂಡಿಯಾ ಅಂತ. ಅವರು ದೇಶದಲ್ಲಿ ಅತಿ ಹೆಚ್ಚು ಜನಮಾನಸದಲ್ಲಿ ಉಳಿದ ಪ್ರಧಾನಿ.
ಯಾರ್ರೀ ಅವನು ಸಿ.ಟಿ. ರವಿ. ಸ್ವಾತಂತ್ರ್ಯ ಬರೋವಾಗ ಇವನು ಹುಟ್ಟೇ ಇರಲಿಲ್ಲ. ಸ್ವಾತಂತ್ರ್ಯ ಹೋರಾಟಗಾರರು ಎಷ್ಟು ಕಷ್ಟ ಅನುಭವಿಸಿದ್ದಾರೆಂಬ ಪರಿಚಯ ಇವರನಿಗಿದೆಯೇ ಎಂದು ಪ್ರಶ್ನಿಸಿದ ಅವರು,
ಆರ್ ಎಸ್ ಎಸ್ ಹೇಳಿಕೊಟ್ಟಿದ್ದನ್ನು ಹೇಳಿಕೊಂಡು ಓಡಾಡುತ್ತಾರೆ. ಅದಕ್ಕೆ ಅವರ ನಾಲಿಗೆಗೆ ಇಟ್ಟಿಗೆ ತಗೊಂಡು ಉಜ್ಜಿ ಸರಿ ಮಾಡಬೇಕಿದೆ ಎಂದು ಕುಟುಕಿದರು.
ಮೇಕೆದಾಟು ವಿಚಾರದಲ್ಲಿ ಸಿ.ಟಿ.ರವಿ, ನಾನು ಭಾರತೀಯ ಅಂತಾನೆ. ಅವನು ಕರ್ನಾಟಕದ ಶಾಸಕ. ಮೊದಲು ರಾಜ್ಯದ ನೆಲ, ಜಲ, ಜನರ ಹಿತ ಕಾಪಾಡಿ ಬೇರೆಯವರ ಸುದ್ದಿಗೆ ಹೋಗಬೇಕು. ಮೊದಲು ನಮ್ಮ ಜನರ ಹಿತ ಆಮೇಲೆ ಬೇರೆಯವರ ವಿಚಾರ ಎಂದು ಬುದ್ಧಿವಾದ ಹೇಳಿದರು.