ನಟ ದಿಲೀಪ್ ರಾಜ್ ನಿಧನದ ಬಳಿಕ ಅವರ ಪತ್ನಿ ಶ್ರೀವಿದ್ಯಾ ಹಂಚಿಕೊಂಡ ಭಾವುಕ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 25 ವರ್ಷಗಳ ದಾಂಪತ್ಯ ಬದುಕಿನ ನೆನಪುಗಳ ನಡುವೆ ಪತಿಯನ್ನು ಕಳೆದುಕೊಂಡ ನೋವನ್ನು ಅವರು ಮನಮುಟ್ಟುವ ಸಾಲುಗಳಲ್ಲಿ ವ್ಯಕ್ತಪಡಿಸಿದ್ದಾರೆ.
“ದಿಲೀಪ್ ಅವರು ನಮ್ಮೊಂದಿಗೇ ಇರುತ್ತಾರೆ. ಅವರ ಕಲೆ, ಸಿನಿಮಾ ಮತ್ತು ಒಳ್ಳೆಯತನದ ರೂಪದಲ್ಲಿ ಅವರು ಸದಾ ಜೀವಂತ” ಎಂದು ಶ್ರೀವಿದ್ಯಾ ಬರೆದುಕೊಂಡಿದ್ದಾರೆ.
ಇನ್ನೂ ಪತಿಯ ಅಗಲಿಕೆಯ ನೋವನ್ನು ಹೇಳಿಕೊಂಡ ಅವರು, “ಅವರ ಆತ್ಮಕ್ಕೆ ಶಾಂತಿ ಸಿಗಲಿ. ಆದರೆ ನಾನು ಅವರನ್ನು ಮತ್ತೆ ನೋಡುವವರೆಗೂ ನನ್ನ ಆತ್ಮಕ್ಕೆ ಶಾಂತಿ ಸಿಗುವುದಿಲ್ಲ” ಎಂದು ಬರೆದಿರುವುದು ಓದುಗರ ಕಣ್ಣೀರಾಗಿಸಿದೆ.
ದಿಲೀಪ್ ರಾಜ್ ಹಾಗೂ ಶ್ರೀವಿದ್ಯಾ ಇಬ್ಬರೂ ಸೇರಿ ಹಲವು ಧಾರಾವಾಹಿಗಳನ್ನು ನಿರ್ಮಿಸಿದ್ದರು. ‘ಕೃಷ್ಣ ರುಕ್ಕು’ ಸೇರಿ ಅನೇಕ ಜನಪ್ರಿಯ ಧಾರಾವಾಹಿಗಳ ಯಶಸ್ಸಿನ ಹಿಂದೆ ಈ ಜೋಡಿಯ ಶ್ರಮ ಇತ್ತು.
ಶ್ರೀವಿದ್ಯಾ ಅವರ ಈ ಭಾವುಕ ಸಂದೇಶಕ್ಕೆ ಅಭಿಮಾನಿಗಳು ಮತ್ತು ಸಿನಿರಂಗದ ಗಣ್ಯರು ಸಾಂತ್ವನ ಸೂಚಿಸುತ್ತಿದ್ದಾರೆ.
