ಬಾಲಿವುಡ್ ನಟ ರಣಬೀರ್ ಕಪೂರ್, ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಸಾಯಿ ಪಲ್ಲವಿ ಅಭಿನಯದ ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಪ್ರದರ್ಶನ ಮುಂದುವರಿಸಿದೆ. ಬಿಡುಗಡೆಯಾದ ಕೇವಲ ಆರು ದಿನಗಳಲ್ಲೇ ಚಿತ್ರ ಜಾಗತಿಕ ಮಟ್ಟದಲ್ಲಿ 800 ಕೋಟಿ ರೂ. ಗಳಿಕೆಯ ಗಡಿ ದಾಟಿದ್ದು, ಸಿನಿರಂಗದಲ್ಲಿ ಭಾರೀ ಸಂಚಲನ ಮೂಡಿಸಿದೆ.
ಸ್ಯಾಕ್ನಿಲ್ಕ್ ವರದಿಯ ಪ್ರಕಾರ, ಮಂಗಳವಾರ ಒಂದೇ ದಿನ ಭಾರತದಲ್ಲಿ ಸಿನಿಮಾ 94.10 ಕೋಟಿ ರೂ. ಗಳಿಕೆ ಮಾಡಿದೆ. ಇದರೊಂದಿಗೆ ಚಿತ್ರದ ದೇಶೀಯ ಒಟ್ಟು ಕಲೆಕ್ಷನ್ 526.50 ಕೋಟಿ ರೂ.ಗೆ ತಲುಪಿದೆ. ವಿದೇಶಿ ಮಾರುಕಟ್ಟೆಯ ಗಳಿಕೆಯನ್ನೂ ಸೇರಿಸಿದರೆ ಒಟ್ಟು ಜಾಗತಿಕ ಕಲೆಕ್ಷನ್ 823.50 ಕೋಟಿ ರೂ. ಆಗಿದೆ.
ಹಿಂದಿ ಆವೃತ್ತಿಗೆ ಭರ್ಜರಿ ಬೇಡಿಕೆ!
ಚಿತ್ರದ ಮಂಗಳವಾರದ ಗಳಿಕೆಯಲ್ಲಿ ಹಿಂದಿ ಆವೃತ್ತಿ ಅತಿ ದೊಡ್ಡ ಪಾಲು ಪಡೆದಿದೆ. ಒಟ್ಟು 24,344 ಪ್ರದರ್ಶನಗಳ ಮೂಲಕ ಸಿನಿಮಾ ಉತ್ತಮ ಗಳಿಕೆ ದಾಖಲಿಸಿದೆ. ಭಾಷಾವಾರು ಗಳಿಕೆಯ ವಿವರ ಹೀಗಿದೆ:
- ಹಿಂದಿ: 76 ಕೋಟಿ ರೂ.
- ಕನ್ನಡ: 7.75 ಕೋಟಿ ರೂ.
- ತೆಲುಗು: 4 ಕೋಟಿ ರೂ.
- ತಮಿಳು: 3.60 ಕೋಟಿ ರೂ.
- ಮಲಯಾಳಂ: 2.75 ಕೋಟಿ ರೂ.
ವಿದೇಶಿ ಮಾರುಕಟ್ಟೆಯಲ್ಲೂ ರಾಮಾಯಣ ಅಬ್ಬರ!
ಭಾರತದ ಹೊರಗಿನ ಮಾರುಕಟ್ಟೆಯಲ್ಲೂ ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಮಂಗಳವಾರ ಅಂತರರಾಷ್ಟ್ರೀಯ ಮಾರುಕಟ್ಟೆಯಿಂದ ಹೆಚ್ಚುವರಿಯಾಗಿ 35 ಕೋಟಿ ರೂ. ಗಳಿಕೆ ಮಾಡಿದೆ. ಇದರೊಂದಿಗೆ ಚಿತ್ರದ ಒಟ್ಟು ವಿದೇಶಿ ಗಳಿಕೆ 297 ಕೋಟಿ ರೂ.ಗೆ ತಲುಪಿದೆ.
ಸ್ಯಾಕ್ನಿಲ್ಕ್ ವರದಿಯ ಪ್ರಕಾರ, ಪ್ರತಿ ಪ್ರದರ್ಶನಕ್ಕೆ ಸರಾಸರಿ 38,726 ರೂ. ಗಳಿಕೆಯನ್ನು ಸಿನಿಮಾ ದಾಖಲಿಸಿದೆ. ರಣಬೀರ್ ಕಪೂರ್, ಯಶ್ ಮತ್ತು ಸಾಯಿ ಪಲ್ಲವಿ ಅವರ ಅಭಿನಯದ ಈ ಪೌರಾಣಿಕ ಕಥನಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
