ಹುಬ್ಬಳ್ಳಿ ರಸ್ತೆಯ ದುಂದೂರ ಚೆಕ್‌ಪೋಸ್ಟ್‌ನಲ್ಲಿ ಪತ್ತೆ……
ವಿಜಯಸಾಕ್ಷಿ ಸುದ್ದಿ, ಗದಗ
ಯಾವುದೇ ಸೂಕ್ತ ದಾಖಲೆಯಿಲ್ಲದೇ ಟಾಟಾ ಏಸ್‌ ವಾಹನದಲ್ಲಿ ಸಾಗಾಟ ಮಾಡುತ್ತಿದ್ದ 66,980 ರೂ. ಮೌಲ್ಯದ 103 ಸೀರೆಗಳನ್ನು ವಾಹನ ಸಮೇತ ವಶಪಡಿಸಿಕೊಂಡಿರುವ ಗದಗ ಗ್ರಾಮೀಣ ಠಾಣೆಯ ಪೊಲೀಸರು ಕಲಂ: 41(ಎ) ಸಿಆರ್‌ಪಿಸಿ ಪ್ರಕಾರ ನೊಟೀಸ್‌ ನೀಡಿದ್ದಾರೆ.
ಗದಗ-ಹುಬ್ಬಳ್ಳಿ ರಸ್ತೆಯಲ್ಲಿ ದುಂದೂರ ಚೆಕ್‌ಪೋಸ್ಟ್‌ ಹತ್ತಿರ ಟಾಟಾ ಏಸ್‌ ವಾಹನದಲ್ಲಿ ಧಾರವಾಡ ಜಿಲ್ಲೆಯ ಅಳ್ನಾವರದ ಮೂಲತಃ ಗದಗ ಜಿಲ್ಲೆಯ ಶಿಂಗಟರಾಯನಕೇರಿಯ ಶಿವಪ್ಪ ರಾಮಪ್ಪ ಪವಾರ ಈತನು ಎಲ್ಲಿಂದಲೋ 66,980 ರೂ. ಮೌಲ್ಯದ 103 ಸೀರೆಗಳನ್ನು ತೆಗೆದುಕೊಂಡು ಹುಬ್ಬಳ್ಳಿ ಕಡೆಯಿಂದ ಗದಗ ಕಡೆಗೆ ಬರುತ್ತಿದ್ದಾಗ, ದುಂದೂರ ಚೆಕ್‌ಪೋಸ್ಟ್‌ನಲ್ಲಿ ತಡೆದು ಪರಿಶೀಲಿಸಿಲಾಯಿತು.
ವಿಚಾರಣೆ ನಡೆಸಿದಾಗ ವಾಹನದಲ್ಲಿದ್ದ ಸೀರೆಗಳ ಕುರಿತು ಸಮರ್ಪಕ ಉತ್ತರ ನೀಡಲಿಲ್ಲ. ಅಲ್ಲದೆ, ಸದರಿ ಸೀರೆಗಳ ಬಗ್ಗೆ ಸೂಕ್ತ ದಾಖಲಾತಿಯನ್ನೂ ನೀಡಲಿಲ್ಲವಾದ್ದರಿಂದ ಸೀರೆಗಳನ್ನು ಕಳ್ಳತನದಿಂದ ಸಾಗಾಟ ಮಾಡುತ್ತಿರುವದಾಗಿ ಅನುಮಾನಗೊಂಡ ಸಿಬ್ಬಂದಿಗಳು ಪಂಚನಾಮೆ ನಡೆಸಿ, ಸೀರೆ ಹಾಗೂ ವಾಹನವನ್ನು ಜಪ್ತ ಮಾಡಿ ಎನ್‌.ಸಿ ನಂ.09/2023, ಕಲಂ-98 ಕೆ.ಪಿ ಕಾಯ್ದೆಯನ್ವಯ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
