ವಿಜಯಸಾಕ್ಷಿ ಸುದ್ದಿ, ಗದಗ
ಜಿಲ್ಲೆಯ ಎರಡನೇ ಹಂತದ ಚುನಾವಣೆಯ ನಾಲ್ಕು ತಾಲ್ಲೂಕುಗಳ 64 ಗ್ರಾ.ಪಂ.ಗಳ 895 ಕ್ಷೇತ್ರಗಳಿಗೆ ಒಟ್ಟು 3203 ನಾಮಪತ್ರಗಳು ಸ್ವೀಕೃತವಾಗಿದ್ದು, ಗುರುವಾರ ನಾಮಮತ್ರ ಪರಿಶೀಲನೆ ನಡೆಯಿತು. ಇದರಲ್ಲಿ 119 ನಾಮಪತ್ರಗಳು ತಿರಸ್ಕೃತವಾಗಿದ್ದು, 3072 ಉಮೇದುವಾರಿಕೆಗಳ ಕ್ರಮಬದ್ಧವಾಗಿವೆ ಎಂದು ಜಿಲ್ಲಾಧಿಕಾರಿ ಕಚೇರಿಯ ಚುನಾವಣಾ ಶಾಖೆ ತಿಳಿಸಿದೆ.
ಮುಂಡರಗಿ ತಾಲ್ಲೂಕಿನ 18 ಗ್ರಾಮ ಪಂಚಾಯತಿಗಳ 264 ಸ್ಥಾನಗಳಿಗೆ ಒಟ್ಟು 925 ನಾಮಪತ್ರಗಳು ಸ್ವೀಕೃತವಾಗಿದ್ದವು. ಅದರಲ್ಲಿ 38 ನಾಮಪತ್ರಗಳು ತಿರಸ್ಕೃತವಾಗಿ ಒಟ್ಟು 887 ಕ್ರಮಬದ್ಧವಾಗಿವೆ.
ಅದರಂತೆ, ನರಗುಂದ ತಾಲ್ಲೂಕಿನ 13 ಗ್ರಾ.ಪಂ. 166 ಸ್ಥಾನಗಳಿಗೆ ಒಟ್ಟು 545 ನಾಮಪತ್ರಗಳು ಸಲ್ಲಿಕೆಯಾಗಿದ್ದವು. ಇವುಗಳಲ್ಲಿ 3 ನಾಮಪತ್ರಗಳು ತಿರಸ್ಕೃತವಾಗಿ ಒಟ್ಟು 530, ರೋಣ ತಾಲ್ಲೂಕಿನ 24 ಗ್ರಾ.ಪಂ. 331 ಸ್ಥಾನಗಳಿಗೆ ಒಟ್ಟು 1244 ನಾಮಪತ್ರಗಳು ಸ್ವೀಕೃತವಾಗಿದ್ದವು.
ಪರಿಶೀಲನೆ ವೇಳೆ 72 ನಾಮಪತ್ರಗಳು ತಿರಸ್ಕೃತವಾಗಿದ್ದು, 1172 ಕ್ರಮಬದ್ಧವಾಗಿವೆ.
ಗಜೇಂದ್ರಗಡ ತಾಲ್ಲೂಕಿನ 9 ಗ್ರಾಮ ಪಂಚಾಯತಿಗಳ 134 ಸ್ಥಾನಗಳಲ್ಲಿ ಒಂದನ್ನು ಹೊರತುಪಡಿಸಿ 133 ಸ್ಥಾನಗಳಿಗೆ 489 ನಾಮಪತ್ರಗಳು ಸ್ವೀಕೃತವಾಗಿದ್ದು, 6 ನಾಮಪತ್ರಗಳು ತಿರಸ್ಕೃತವಾಗಿವೆ. ಹಾಗಾಗಿ 483 ನಾಮಪತ್ರಗಳು ಕ್ರಮಬದ್ಧವಾಗಿವೆ ಎಂದು ಜಿಲ್ಲಾಧಿಕಾರಿಗಳ ಕಚೇರಿಯ ಚುನಾವಣೆ ಶಾಖೆ ತಿಳಿಸಿದೆ.
