HomeKarnataka Newsಭಿಕ್ಷಾಟನೆಗೆ ಅನ್ಯರ ಶಿಶುಗಳ ಬಳಕೆ ‘ಪಿಂಕಿ ಎಲ್ಲಿ?’: ಒಂದು ಹುಡುಕಾಟದ ಸುತ್ತ!

ಭಿಕ್ಷಾಟನೆಗೆ ಅನ್ಯರ ಶಿಶುಗಳ ಬಳಕೆ ‘ಪಿಂಕಿ ಎಲ್ಲಿ?’: ಒಂದು ಹುಡುಕಾಟದ ಸುತ್ತ!

Spread the love

ವಿಜಯಸಾಕ್ಷಿ ಕನ್ನಡ ದಿನಪತ್ರಿಕೆ, ಬೆಂಗಳೂರು: ಈ ಹಿಂದೆ ‘ರೈಲ್ವೆ ಚಿಲ್ಡ್ರನ್ ಎಂಬ ಕಿರುಚಿತ್ರ ಮಾಡಿ ಹಲವು ಫಿಲ್ಮ್ ಫೆಸ್ಟಿವಲ್‌ಗಳಲ್ಲಿ ಪ್ರಶಂಸೆ ಗಿಟ್ಟಿಸಿದ್ದ ಪ್ರಕಾಶ್ ಕೋಣಾನಪುರ್, ಈಗ ಭಿಕ್ಷಾಟನೆಯಲ್ಲಿ ಶಿಶುಗಳ ಬಳಕೆಯ ಕುರಿತು ಕಥಾವಸ್ತುವಿರುವ ‘ಪಿಂಕಿ ಎಲ್ಲಿ?’ ಎಂಬ ಕಿರುಚಿತ್ರ ನಿರ್ದೇಶಿಸಿದ್ದು, ಅದು ಕೂಡ ಹಲವು ಫಿಲ್ಮ್ ಫೆಸ್ಟಿವಲ್‌ಗಳಿಗೆ ಆಯ್ಕೆಗೊಂಡಿದೆ.

ಮಹಾನಗರದಲ್ಲಿ ಉದ್ಯೋಗ ಮಾಡುವ ಬಿಂದುಶ್ರೀ ಎಂಬ ಪಾತ್ರ ತನ್ನ ಶಿಶುವಿಗಾಗಿ ನಡೆಸುವ ಹುಡುಕಾಟವೇ ಚಿತ್ರದ ಕತೆ. ಈ ಹುಡುಕಾಟದ ಮೂಲಕವೇ ಮಹಾನಗರಗಳಲ್ಲಿನ ಸಂಕೀರ್ಣ ಬದುಕನ್ನು ತೆರೆದಿಡುವ ಪ್ರಯತ್ನ ಮಾಡಲಾಗಿದೆ ಎನ್ನುತ್ತಾರೆ ನಿರ್ದೇಶಕ.

ಸಣ್ಣಮ್ಮ ಎಂಬ ಮನೆಗೆಲಸದಾಕೆಯ ಬಳಿ ಎಂಟು ವರ್ಷದ ಶಿಶುವನ್ನು ಬಿಟ್ಟು ದಿನವೂ ಕೆಲಸಕ್ಕೆ ಬಿಂದುಶ್ರೀ ಹೋಗುತ್ತಿರುತ್ತಾಳೆ. ಬಿಂದುಶ್ರೀ ಮತ್ತು ಗಂಡ ಕೆಲಸಕ್ಕೆ ಹೋದ ಸ್ವಲ್ಪ ಸಮಯದ ನಂತರ ಸಣ್ಣಮ್ಮ ಆ ಶಿಶುವನ್ನು ಅನಸೂಯಾ ಎಂಬ ಸಂಬಂಧಿ ಕೈಗೆ ಕೊಡುವುದು, ಅನಸೂಯಾ ಟ್ರಾಫಿಕ್ ಸಿಗ್ನಲ್‌ಗಳಲ್ಲಿ ಆ ಶಿಶುವನ್ನು ತೋರಿಸುತ್ತ ಭಿಕ್ಷಾಟನೆ ಮಾಡುವುದು ನಡೆದೇ ಇರುತ್ತದೆ.

ಒಂದಿನ ಶಿಶು ಕಳೆದು ಹೋದಾಗ, ಸಣ್ಣಮ್ಮ, ಅನಸೂಯಾ ಗಾಬರಿ ಬೀಳುತ್ತಾರೆ. ಅಲ್ಲಿಂದ ಶಿಶುವಿಗಾಗಿ ಬಿಂದುಶ್ರೀ ನಡೆಸುವ ಹುಡುಕಾಟದಲ್ಲಿ ಹಲವು ಆಶ್ಚರ್ಯಕರ ಸನ್ನಿವೇಶಗಳ ಎದುರಾಗುತ್ತವೆ.

ಈ ಹಿಂದೆ ಪ್ರಕಾಶ್, ರೈಲ್ವೆ ಚಿಲ್ಡ್ರನ್ ಚಿತ್ರದಲ್ಲಿ ರೈಲ್ವೆ ನಿಲ್ದಾಣಗಳಲ್ಲಿ ಕೆಲಸ ಮಾಡುವ ಮಕ್ಕಳ ಸಂಕಷ್ಟಗಳನ್ನು ತೋರಿಸಿದ್ದರು. ಈಗ ‘ಪಿಂಕಿ ಎಲ್ಲಿ?’ ಮೂಲಕ ಮಹಾನಗರಗಳ ಇನ್ನೊಂದು ಮುಖವನ್ನು ತೆರೆದಿಡುವ ಯತ್ನ ಮಾಡಿದ್ದಾರೆ. ಸದ್ಯದಲ್ಲೇ ಡಿಜಿಟಲ್ ಪ್ಲಾಟ್ ಫಾರ್ಮ್ ಗಳಲ್ಲಿ ಚಿತ್ರ ಲಭ್ಯವಾಗಲಿದೆ.


Spread the love
Vijaya Sakshi
Vijaya Sakshi
Vijayasakshi is a Kannada Daily News Paper Publishing From Gadag. Get Latest Gadag District News Live Updates Online In Vijayasakshi.Com Vijayasakshi Kannada Daily Newspaper Provide News On Gadag District Including Karnataka, India News In Kannada. Contact-9448326533/9019256545 E-mail-vijayasakshidaily@gmail.com

LEAVE A REPLY

Please enter your comment!
Please enter your name here

E-Paper

E-paper

Must Read

spot_img
error: Content is protected !!