ವಿಜಯಸಾಕ್ಷಿ ಸುದ್ದಿ, ಗದಗ : 12ನೇ ಶತಮಾನದಲ್ಲಿ ಬಸವಣ್ಣನವರ ಪ್ರಭಾವಕ್ಕೆ ಒಳಗಾದ ಶರಣ-ಶರಣೆಯರಲ್ಲಿ ಅಕ್ಕಮಹಾದೇವಿಯವರು ಪ್ರಮುಖರಾಗಿದ್ದಾರೆ. ಅಕ್ಕ ದಿಟ್ಟತನದ ವ್ಯಕ್ತಿತ್ವ ತೋರಿದ ಆಧ್ಯಾತ್ಮಿಕ ಕ್ಷೇತ್ರದ ಧ್ರುವತಾರೆಯಾಗಿ, ಕನ್ನಡದ ಮೊಟ್ಟಮೊದಲ ವಚನಕಾರ್ತಿಯಾಗಿ ಹಲವು ಸಂಕಷ್ಟಗಳನ್ನು ಮೀರಿ ಮೌಲ್ಯಯುತ ಸಂದೇಶಗಳನ್ನು ಈ ಜಗತ್ತಿಗೆ ನೀಡಿದ್ದಾಳೆ ಎಂದು ಶಿರಹಟ್ಟಿಯ ಎಫ್.ಎಂ. ಡಬಾಲಿ ಕಾಲೇಜಿನ ಉಪನ್ಯಾಸಕಿ ಶರಣೆ ಸುಧಾ ಎ.ಹುಚ್ಚಣ್ಣವರ ಅಭಿಪ್ರಾಯಪಟ್ಟರು.
ಅವರು ಶಿವಾನಂದ ನಗರದ ಬಸವ ಸಮದಾಯ ಭವನದಲ್ಲಿ ಬಸವದಳ ಗದಗ-ಬೆಟಗೇರಿ, ಜಿಲ್ಲಾ, ತಾಲೂಕಾ ಶರಣ ಸಹಿತ್ಯ ಪರಿಷತ್ತು, ಕದಳಿ ಮಹಿಳಾ ವೇದಿಕೆ, ಜಿಲ್ಲಾ ಜಾಗತಿಕ ಲಿಂಗಾಯತ ಮಹಾಸಭೆ ಗದಗ ಇವರುಗಳ ಸಂಯುಕ್ತಾಶ್ರಯದಲ್ಲಿ ಏರ್ಪಡಿಸಿದ್ದ `ವೈರಾಗ್ಯನಿಧಿ ಅಕ್ಕಮಹಾದೇವಿ ಜಯಂತಿ’ ಕಾರ್ಯಕ್ರಮದಲ್ಲಿ ಉಪನ್ಯಾಸ ನೀಡಿದರು.
ಅಕ್ಕನ ಪ್ರತಿಯೊಂದು ವಚನದಲ್ಲಿ ಜೀವನದ ಮಾರ್ಮಿಕ ನುಡಿ ಇದೆ. ಚೆನ್ನಮಲ್ಲಿಕಾರ್ಜುನ ದೇವರ ಕಾಣುವ ಆತುರವಿದೆ. ಸಾರ್ಥಕ ಬದುಕಿಗೆ ಅಕ್ಕನ ವಚನಗಳು ದಾರಿದೀಪವಾಗಿವೆ. ಅಲ್ಲದೇ ಬದುಕಿನ ಅಂತರಾಳವನ್ನು ಅರಿಯುವ ತವಕವಿದೆ ಮತ್ತು ಅಕ್ಕಮಹಾದೇವಿಯ ದಿವ್ಯ ವ್ಯಕ್ತಿತ್ವ ಇಡೀ ಹೆಣ್ಣು ಕುಲದ ಗೌರವದ ಸಂಕೇತವಾಗಿದೆ ಎಂದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಜಾಗತಿಕ ಲಿಂಗಾಯತ ಮಹಾಸಭೆಯ ಅಧ್ಯಕ್ಷ ಶರಣ ಕೆ. ಎಸ್. ಚೆಟ್ಟಿ ಹಾಗೂ ಜಿಲ್ಲಾ ಕದಳಿ ಮಹಿಳಾ ವೇದಿಕೆಯ ಶರಣೆ ಪ್ರೇಮಾ ಮೇಟಿ ಮಾತನಾಡಿದರು.
ಕದಳಿ ಮಹಿಳಾ ವೇದಿಕೆ ಅಧ್ಯಕ್ಷೆ ಶರಣೆ ಸುಲೋಚನಾ ಎಂ.ಐಹೊಳಿ ವಚನ ಪ್ರಾರ್ಥನೆ ಮಾಡಿದರು. ಶರಣ ಎನ್.ಎಚ್. ಹಿರೇಸಕ್ಕರಗೌಡ್ರ ಸ್ವಾಗತಿಸಿದರು. ಗದಗ ತಾಲೂಕ ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಶರಣ ಪ್ರಕಾಶ ಅಸುಂಡಿ ಶರಣು ಸಮರ್ಪಣೆಗೈದರೆ, ಶರಣೆ ಮಂಗಳಾ ಬಿ.ಕಾಮಣ್ಣವರ ಕಾರ್ಯಕ್ರಮ ನಿರೂಪಿಸಿದರು.
ಸಮಾರಂಭದಲ್ಲಿ ಸಂಘಟನೆಗಳ ಸದಸ್ಯರಾದ ಗಿರಿಜಕ್ಕ ಧರ್ಮರಡ್ಡಿ, ಗೌರಕ್ಕ ಬಡಿಗಣ್ಣವರ, ಗಂಗಮ್ಮ ಹೂಗಾರ, ಮಂಜುಳಾ ಹಾಸಿಲಕರ, ಸರೋಜಕ್ಕ ಲಿಂಗಧಾಳ, ಜಯಶ್ರೀ ಹಳ್ಳಿಕೇರಿ, ಶಾಂತಕ್ಕ ಮುಂದಿನಮನಿ, ಮಂಜುಳಾ ಅಕ್ಕಿ, ವೀಣಾ ತಿರ್ಲಾರ್ಪೂರ, ಪುಷ್ಪಾ ಭಂಡಾರಿ, ಸುರೇಖಾ ಪಿಳ್ಳೆ, ಅಕ್ಕಮಹಾದೇವಿ ಚೆಟ್ಟಿ, ರೇಣಕ್ಕ ಹಾಸಿಲಕರ, ಗಾಳಪ್ಪನವರ, ಜಿನಗಾ, ಶರಣರಾದ ಎಸ್.ಎನ್. ಹಕಾರಿ, ಎಸ್.ಎ. ಮುಗದ, ಮೃತ್ಯುಂಜಯ ಜಿನಗಾ, ರಾಮಣ್ಣ ಕಳ್ಳಿಮನಿ, ಬಿ.ವಿ. ಕಾಮಣ್ಣವರ, ಎನ್.ಎಸ್. ಬಡಿಗಣ್ಣವರ, ಎಸ್.ಎಂ. ಕವಳಿಕಾಯಿ, ಎಸ್.ಬಿ. ಸೋಮಗೊಂಡ, ರಾಚಪ್ಪ ಚವಡಿ ಮುಂತಾದವರು ಭಾಗವಹಿಸಿದ್ದರು.
ಅಧ್ಯಕ್ಷತೆ ವಹಿಸಿದ್ದ ಶರಣ ವಿ.ಕೆ. ಕರೇಗೌಡ್ರ ಮಾತನಾಡಿ, ಶರಣೆ ಅಕ್ಕಮಹಾದೇವಿಯ ವಚನಗಳು ಸರ್ವಕಾಲಕ್ಕೂ ಉತ್ಸಾಹವನ್ನು ತುಂಬುವ, ಜೀವನ ಸಾರ್ಥಕಪಡಿಸಿಕೊಳ್ಳುವ ಚಿಲುಮೆಗಳಾಗಿವೆ.
ಪ್ರತಿಯೊಬ್ಬರೂ ಬಸವಾದಿ ಶಿವಶರಣರ ವಚನಗಳನ್ನು ಅರಿತು, ಆಚರಿಸಿದಾಗ ಮಾತ್ರ ವಚನಗಳ ಮೌಲ್ಯ ಗೊತ್ತಾಗುತ್ತದೆ ಎಂದರು.
