ರಾಮನಗರ: ʻನೇಗಿಲ ಗೆರೆಗಳುʼ ಪುಸ್ತಕ ಮುಂದೊಂದು ದಿನ ಪಠ್ಯಪುಸ್ತಕ ಆಗುವ ಕಾಲ ಬರುತ್ತೆ ಎಂದು ಮಾಜಿ ಪ್ರಧಾನಿ ಹೆಚ್‌.ಡಿ ದೇವೇಗೌಡ ಹೇಳಿದ್ದಾರೆ. ಚನ್ನಪಟ್ಟಣದಲ್ಲಿಂದು ಮಾತನಾಡಿದ ಅವರು, ನನ್ನ ಕುರಿತ ʻನೇಗಿಲ ಗೆರೆಗಳುʼ ಪುಸ್ತಕ ಮುಂದೊಂದು ದಿನ ಪಠ್ಯಪುಸ್ತಕ ಆಗುವ ಕಾಲ ಬರುತ್ತೆ ಎಂದರು. ಸೋಮಣ್ಣ ಅವರು ಮೂರು ತಿಂಗಳಲ್ಲಿ ಈ ಸರ್ಕಾರ ಹೋಗುತ್ತೆ ಅಂತ ಜೋತಿಷ್ಯ ಹೇಳಿದ್ದಾರೆ. ನಾನೂ ಸ್ವಲ್ಪ ಜ್ಯೋತಿಷ್ಯ ಕೇಳ್ತೀನಿ.
ಪಾಪ ಕುಮಾರಸ್ವಾಮಿ ನಿರಪರಾಧಿ, ಮಗನನ್ನು ಚುನಾವಣೆಗೆ ನಿಲ್ಲಿಸಲು 50 ಕೋಟಿ ಕೊಡಬೇಕು ಅಂತ ಮಾಡಿದ್ದರಂತೆ, ಅದಕ್ಕೆ ಇಂಗ್ಲೀಷ್‌ನಲ್ಲಿ ಎಕ್ಸ್ಟಾರ್ಷನ್ ಅಂತಾರೆ. ಕುಮಾರಸ್ವಾಮಿ ಮೇಲೆ ಒತ್ತಾಯ ಹಾಕಿ ಕಾಂಗ್ರೆಸ್ ಜತೆ ಸರ್ಕಾರ ಮಾಡಲು ಒಪ್ಪಿಸಿದರು.
ಸಿದ್ದರಾಮಯ್ಯ ಅವರೇ ನಾನು 14 ಬಜೆಟ್ ಮಂಡಿಸಿದ್ದೀನಿ ಅಂತೀರಾ? ಕುಮಾರಸ್ವಾಮಿ ಬಜೆಟ್ ಓದಬೇಕಾದರೆ, ಇವರ ಬಜೆಟ್ ನಾನು ಕೇಳಬೇಕಾ ಅಂತ ಸಿದ್ದರಾಮಯ್ಯ ಎದ್ದು ಓಡಿ ಹೋಗ್ತಾರೆ. ಒಂದು ಕಾಲದಲ್ಲಿ ನಾನು ಯಡಿಯೂರಪ್ಪ ಜಗಳ ಆಡಿರಬಹುದು, ಈಗ ಈ ಸರ್ಕಾರ ಕಿತ್ತೊಗೆಯಲು ಒಟ್ಟಿಗೆ ಸೇರಿದ್ದೇವೆ ಎಂದು ಗುಡುಗಿದರು.