ಕನಕದುರ್ಗಮ್ಮ ಮೂರ್ತಿ ಮೇಲೆ ಕಾಲಿಟ್ಟು ಹಾರ ಹಾಕಿದ ದರ್ಶನ್ ಫ್ಯಾನ್ಸ್!

ಬಳ್ಳಾರಿ: ನಟ ದರ್ಶನ್ ಅವರಿಗೆ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ರಾಜಾತಿಥ್ಯ ನೀಡಲಾಗುತ್ತಿದೆ ಎಂಬ ಆರೋಪ ಕೇಳಿ ಬಂದ ಹಿನ್ನೆಲೆ ಅವರನ್ನು ಪರಪ್ಪನ ಅಗ್ರಹಾರದಿಂದ ಬಳ್ಳಾರಿ ಜೈಲಿಗೆ ಸ್ಥಳಾಂತರ ಮಾಡಲಾಗಿದೆ. ಈ ಬಳ್ಳಾರಿ ಜೈಲಿನ ಅನತಿ ದೂರದಲ್ಲಿರುವ ಕನಕ ದುರ್ಗಮ್ಮ ದೇವಸ್ಥಾನದಲ್ಲಿ ನಟ ದರ್ಶನ್ ಅಭಿಮಾನಿಗಳು ಇಂದು ವಿಶೇಷ ಪೂಜೆ ಆಯೋಜನೆ ಮಾಡಿಕೊಂಡಿದ್ದರು.

ಹೂವಿನ ಹಾರ ಹಾಕುವ ಸಂದರ್ಭದಲ್ಲಿ ಹಾರವನ್ನು ಕೋಲಿನಿಂದ ಅಥವ ಎತ್ತರದಿಂದ ಹಾರ ಹಾಕಬೇಕಿತ್ತು. ಆದ್ರೆ ಮೂರ್ತಿಯ ಮೇಲೆ ಏರಿದ ಅಭಿಮಾನಿಯೊಬ್ಬ ದೇವಿಯ ಮೂರ್ತಿಯ ಮೇಲೆ ನಿಂತುಕೊಂಡು ಹಾರ ಹಾಕುವ ಮೂಲಕ ವಿಕೃತಿ ಮೆರೆದಿದ್ದಾನೆ. ಸದ್ಯ ಈ ಘಟನೆಯನ್ನು ಸ್ಥಳೀಯರು ಹಾಗೂ ಕನಕ ದುರ್ಗಮ್ಮ ದೇವಿಯ ಆರಾಧಕರು ವಿರೋಧಿಸಿದ್ದು. ವ್ಯಾಪಕ ಆಕ್ರೋಶ ಹೊರ ಹಾಕಿದ್ದಾರೆ.