ವಿವಾದ, ವಿರೋಧ ಮತ್ತು ಬಾಕ್ಸ್ ಆಫೀಸ್ ಚರ್ಚೆಗಳ ನಡುವೆ ಸಾಗಿದ ದಿ ಕೇರಳ ಸ್ಟೋರಿ ಸಿನಿಮಾ ಇದೀಗ ಡಿಜಿಟಲ್ ರಿಲೀಸ್ಗೆ ಸಿದ್ಧವಾಗಿದೆ. ಇದೇ ವರ್ಷ ಫೆಬ್ರವರಿ ತಿಂಗಳಲ್ಲಿ ‘ದಿ ಕೇರಳ ಸ್ಟೋರಿ 2’ ಸಿನಿಮಾ ಬಿಡುಗಡೆ ಆಗಿದ್ದು ಸಾಕಷ್ಟು ವಿರೋದದ ನಡುವೆಯೂ ಚಿತ್ರ ಉತ್ತಮ ಪ್ರದರ್ಶನ ಕಂಡಿತ್ತು. ಇದೀಗ ಸಿನಿಮಾ ಮೇ 8ರಿಂದ ZEE5ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ.
The Kerala Story ಚಿತ್ರದ ಮುಂದುವರಿದ ಭಾಗವಾಗಿ ಬಂದ ಈ ಸಿನಿಮಾ, ಧಾರ್ಮಿಕ ಮತಾಂತರದ ಸನ್ನಿವೇಶವನ್ನು ಆಧಾರವಾಗಿಸಿಕೊಂಡ ಕಥೆಯನ್ನು ಹೇಳುತ್ತದೆ. ಚಿತ್ರ ಬಿಡುಗಡೆಯಾಗುವ ಮೊದಲು ಕಾನೂನು ತಡೆ ಎದುರಿಸಿದರೂ, ನಂತರ ಅದನ್ನು ತೆರವುಗೊಳಿಸಿ ಥಿಯೇಟರ್ನಲ್ಲಿ ಬಿಡುಗಡೆ ಮಾಡಲಾಯಿತು.
ಸುಮಾರು 10 ವಾರಗಳ ಥಿಯೇಟ್ರಿಕಲ್ ರನ್ ನಂತರ OTTಗೆ ಬರುತ್ತಿರುವ ಈ ಸಿನಿಮಾ, ಹಿಂದಿ ಸೇರಿದಂತೆ ಹಲವು ಭಾಷೆಗಳಲ್ಲಿ ಲಭ್ಯವಾಗಲಿದೆ. ಬಾಕ್ಸ್ ಆಫೀಸ್ನಲ್ಲಿ ಸುಮಾರು 50 ಕೋಟಿ ಗಳಿಕೆ ಮಾಡಿದ ಈ ಚಿತ್ರವು, ಮೊದಲ ಭಾಗದಷ್ಟು ಪ್ರಭಾವ ಬೀರುವಲ್ಲಿ ಯಶಸ್ವಿಯಾಗದಿದ್ದರೂ ತನ್ನದೇ ಆದ ಪ್ರೇಕ್ಷಕರನ್ನು ಸೆಳೆದಿದೆ.
ಚಿತ್ರದಲ್ಲಿ ಉಲ್ಕಾ ಗುಪ್ತಾ, ಅದಿತಿ ಭಾಟಿಯಾ, ಅಲ್ಕಾ ಅಮಿನ್ ಮತ್ತು ಐಶ್ವರ್ಯಾ ಓಜಾ ಅಭಿನಯಿಸಿದ್ದಾರೆ. ಸಂಗೀತವನ್ನು ಮನನ್ ಶಾ ಮತ್ತು ರಾಹುಲ್ ಸುಹಾಸ್ ನೀಡಿದ್ದಾರೆ.
ಒಟ್ಟಿನಲ್ಲಿ, ಥಿಯೇಟರ್ನಲ್ಲಿ ಚರ್ಚೆ ಹುಟ್ಟಿಸಿದ ಈ ಸಿನಿಮಾ ಇದೀಗ OTTನಲ್ಲಿ ಮತ್ತೊಮ್ಮೆ ಗಮನ ಸೆಳೆಯಲು ಸಜ್ಜಾಗಿದೆ.
