• ಚಿತ್ರದುರ್ಗದಲ್ಲಿ ದೇವದುರ್ಗ ಶಾಸಕ ಗೂಳಿಹಟ್ಟಿ ಶೇಖರ್ ಹೇಳಿಕೆ

ವಿಜಯಸಾಕ್ಷಿ ಸುದ್ದಿ, ಚಿತ್ರದುರ್ಗ

ದಕ್ಷಿಣ ಭಾರತದಲ್ಲಿ ಪಕ್ಷ ಬರಲು, ಯಡಿಯೂರಪ್ಪ ಮುಖ್ಯಮಂತ್ರಿಯಾಲು ನಾನೇ ಕಾರಣ ಎಂದು ಚಿತ್ರದುರ್ಗ ಜಿಲ್ಲೆ ಹೊಸದುರ್ಗ ಶಾಸಕ ಗೂಳಿಹಟ್ಟಿ ಶೇಖರ್ ಹೇಳಿದ್ದಾರೆ. ಚಿತ್ರದುರ್ಗದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, 2008ರಲ್ಲಿ ಸರ್ಕಾರ ರಚನೆಗೆ ಬಿಜೆಪಿ ಬೆಂಬಲ ನೀಡಲು ಮೊದಲು ಮುಂದೆ ಬಂದವನೇ ನಾನು. ನನಗೆ ಆಗ ಕಾಂಗ್ರೆಸ್ ಪಕ್ಷದಲ್ಲಿ ಅನ್ಯಾಯವಾಗಿತ್ತು. ಬಿಜೆಪಿಗೆ ಮೂವರ ಬೆಂಬಲ ಬೇಕಿತ್ತು. ನಾನೊಬ್ಬನೇ ಪ್ರೀಯಾಗಿ ಬೆಂಬಲ ಕೊಟ್ಟಿದ್ದೆ.

ವರ್ತೂರ್ ಪ್ರಕಾಶ್, ನರೇಂದ್ರ ಸ್ವಾಮಿ, ಸುಧಾಕರ್, ವೆಂಕಟರಮಣಪ್ಪ ಎಲ್ಲರೂ ಕಾಂಗ್ರೆಸ್ ಹಿನ್ನಲೆಯವರು. ಅಂದು ಇವರಾರೂ ಮುಂದೆ ಬರಲಿಲ್ಲ. ಶಾಸಕಾಂಗ ಸಭೆಯಲ್ಲಿ ನಾನೇ ಮೊದಲು ಬಿಜೆಪಿ ಬೆಂಬಲಿಸಿದ್ದು.
ನನ್ನ ಕರೆದುಕೊಂಡು ಹೋಗಿ ಬಳ್ಳಾರಿಯ ಜನಾರ್ಧನ ರೆಡ್ಡಿ, ರಾಮುಲು, ಕರುಣಾಕರ ರೆಡ್ಡಿ ಪವರ್ ಪುಲ್ ಮಂತ್ರಿಯಾದರು.
ಹೊರಗಡೆ ಗೂಳಿಹಟ್ಟಿ ಶೇಖರ್ ನೂರು ಕೋಟಿ ತಕೊಂಡರು ಎಂದು ಬಿಂಬಿಸಿದರು.
ಈ ರೀತಿ ಹೈಪ್ ಮಾಡಿ ಮಂತ್ರಿಯಾದರು. ನಾನು ಒಂದು ರೂಪಾಯಿ ತೆಗೆದುಕೊಂಡಿಲ್ಲ ಎಂದು ಸ್ಪಷ್ಟಪಡಿಸಿದರು.

ನಾನು ಬಂದ ನಂತರವೇ ಉಳಿದವರು ಬೆಂಬಲಕ್ಕೆ ಮುಂದೆ ಬಂದರೂ, ಅವರಿಗೆ ಪವರ್ ಪುಲ್ ಖಾತೆ ನೀಡಿ ನನಗೆ ಅನ್ಯಾಯ ಮಾಡಿದರು. ನಮ್ಮ ಹಿಂದೆ ಬಂದವರಿಗೆ ಉತ್ತಮ ಸ್ಥಾನಮಾನ ನೀಡಿದರು. ಬಿಜೆಪಿ ಸರ್ಕಾರ ಬರಲು, ಯಡಿಯೂರಪ್ಪರನ್ನ ಸಿಎಂ ಮಾಡಲು ನಾನೇ ಕಾರಣ ಎಂದು ಎದೆತಟ್ಟಿಕೊಂಡು ಹೇಳುವೆ. ಇದು ಯಡಿಯೂರಪ್ಪ ಅವರಿಗೆ ಗೊತ್ತು, ಹೇಳಿದರೆ ಘನತೆಗೆ ಧಕ್ಕೆ ಬರುತ್ತದೆ ಎಂದು ಹೇಳಲ್ಲ ಎಂದರು.

ಜಿಲ್ಲೆಯಲ್ಲಿ ನನ್ನ ಕೆಪಾಸಿಟಿ ಏನೆಂದು ಬಿಜೆಪಿ ವರಿಷ್ಠರಿಗೂ ಗೊತ್ತಿದೆ. 2014 ರಲ್ಲಿ ದೇಶದಲ್ಲಿ ಮೋದಿ ಅಲೆ ಇದ್ದಾಗಲೂ ಚಿತ್ರದುರ್ಗದಲ್ಲಿ ಬಿಜೆಪಿ ಸೋಲು ಕಂಡಿತ್ತು. ನಾನು ಜೆಡಿಎಸ್ ನಿಂದ ಸ್ಪರ್ಧೆ ಮಾಡಿದ್ದರಿಂದ ಸೋತಿತ್ತು. ಬೇರೆ ಜಿಲ್ಲೆಯವರಾದ ರಘು ಆಚಾರ್ ಅವರನ್ನು ಕರೆತಂದು ಎಂಎಲ್ಸಿ ಮಾಡಿದ್ದೇನೆ.

ನಾನು ಯಾವುದೇ ಹೈಕಮಾಂಡ್ ನಾಯಕರನ್ನು ಭೇಟಿ ಮಾಡಿಲ್ಲ, ನಮ್ಮ ಮಾತು ಯಾರೂ ಕೇಳಲ್ಲ. ನಮಗೆ ಯಾರು ಗಾಡ್ ಫಾದರ್ ಇಲ್ಲ .ನಾನು ಪಕ್ಷದ ನಿಷ್ಠಾವಂತ ಕಾರ್ಯಕರ್ತನಾಗಿ ಇರುತ್ತೇನೆ ಎಂದು ಹೇಳಿದರು.