ವಿಜಯಸಾಕ್ಷಿ ಸುದ್ದಿ, ಲಕ್ಕುಂಡಿ
ಉತ್ತರ ಕರ್ನಾಟಕದ ವಿಶೇಷ ಹಬ್ಬವಾದ ರೊಟ್ಟಿ ಪಂಚಮಿ ನಿಮಿತ್ತವಾಗಿ ಇಲ್ಲಿನ ಮಹಿಳೆಯರು ಮನೆ ಮನೆಗೆ ತೆರಳಿ ರೊಟ್ಟಿ ವಿತರಿಸುವ ಮೂಲಕ ಸಂಭ್ರಮಿಸಿದರು.
ಕಳೆದ ಒಂದು ವಾರದಿಂದಲೇ ವಿವಿಧ ಬಗೆಯ ರೊಟ್ಟಿಯನ್ನು ತಯಾರಿಸಿಕೊಂಡಿರುವ ಮಹಿಳೆಯರು ಭಾನುವಾರ ತಮ್ಮ ಓಣಿಯಲ್ಲಿಯ ಪರಿಚಯ ಇರುವ ಮನೆಗಳಿಗೆ ತೆರಳಿ ರೊಟ್ಟಿಗಳನ್ನು ಪರಸ್ಪರ ವಿನಿಮಯ ಮಾಡಿಕೊಂಡರು.
ಸಜ್ಜೆ, ಜೋಳ, ರಾಗಿ, ಅಕ್ಕಿ ರೊಟ್ಟಿಯ ಜೊತೆಗೆ ಮಡಿಕೆ, ಹೆಸರು, ಕಡಲೆ ಕಾಳು ಪಲ್ಯೆ, ಅಗಸೆ, ಶೇಂಗಾ ಚಟ್ನಿ, ಕಡಲೆ ಚಟ್ನಿ, ಮೆಂತೆ, ಮೂಲಂಗಿ, ಸೇರಿದಂತೆ ಇತರೆ ತರಕಾರಿ ಪಚಡಿಯನ್ನು ವಿನಿಮಯ ಮಾಡಿಕೊಂಡರು.
ನಂತರ ಮನೆ ಮಂದಿ, ಸ್ನೇಹಿತರು ಸೇರಿ ಸಾಮೂಹಿಕವಾಗಿ ಈ ಎಲ್ಲ ಬಗೆಯ ಸವಿ ರುಚಿಯನ್ನು ಸವಿದು ಪ್ರೀತಿ ಭ್ರಾತೃತ್ವವನ್ನು ಮೆರೆದರು.
