ಆರ್ಸಿಬಿ ತಂಡದ ಹೊಸ ಮಾಲಕಿ ಅನನ್ಯಾ ಬಿರ್ಲಾ ಮೆಟ್ ಗಾಲಾ 2026ರಲ್ಲಿ ತಮ್ಮ ಬೋಲ್ಡ್ ಫ್ಯಾಷನ್ ಸ್ಟೇಟ್ಮೆಂಟ್ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿದ್ದಾರೆ. ಉದ್ಯಮಿಯಾಗಿರುವ ಅನನ್ಯಾ, ಮಾಡೆಲಿಂಗ್ ಮತ್ತು ಫ್ಯಾಷನ್ ಕ್ಷೇತ್ರದಲ್ಲೂ ಸಕ್ರಿಯರಾಗಿದ್ದು, ಈ ಬಾರಿ ರೆಡ್ ಕಾರ್ಪೆಟ್ ಮೇಲೆ ವಿಭಿನ್ನ ಮಾಸ್ಕ್ ಧರಿಸಿ ಗಮನ ಸೆಳೆದಿದ್ದಾರೆ.
ಸ್ಟೀಲ್ ಚಮಚ, ಬಟ್ಟಲು ಹಾಗೂ ಅಡುಗೆಮನೆಯಲ್ಲಿ ಬಳಸುವ ಲೋಹದ ವಸ್ತುಗಳಿಂದ ವಿನ್ಯಾಸಗೊಳಿಸಲಾದ ವಿಶಿಷ್ಟ ಮಾಸ್ಕ್ ಧರಿಸಿದ್ದ ಅನನ್ಯಾ, ಮೆಟ್ ಗಾಲಾದ ಪ್ರಮುಖ ಆಕರ್ಷಣೆಯಾಗಿ ಹೊರಹೊಮ್ಮಿದರು. ಅವರ ಲುಕ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಹಲವರು ಅದನ್ನು ‘ಐರನ್ ಮ್ಯಾನ್’ ಶೈಲಿಗೆ ಹೋಲಿಕೆ ಮಾಡಿದ್ದಾರೆ.
ಈ ಬಾರಿ ಮೆಟ್ ಗಾಲಾ ಥೀಮ್ಗೆ ತಕ್ಕಂತೆ ಅನೇಕ ಸೆಲೆಬ್ರಿಟಿಗಳು ವಿಭಿನ್ನ ಮಾಸ್ಕ್ಗಳಲ್ಲಿ ಕಾಣಿಸಿಕೊಂಡಿದ್ದರು. ಅದೇ ಸಾಲಿನಲ್ಲಿ ಅನನ್ಯಾ ಬಿರ್ಲಾ ತಮ್ಮದೇ ವಿಶಿಷ್ಟ ಫ್ಯಾಷನ್ ಪ್ರಯೋಗದ ಮೂಲಕ ಗಮನ ಸೆಳೆದಿದ್ದಾರೆ.
ಕಪ್ಪು ಬಣ್ಣದ ಡಿಸೈನರ್ ಉಡುಪು, ಲೆಹಂಗಾ ಮತ್ತು ಗ್ಲೌಸ್ ಜೊತೆಗೆ ಸ್ಟೀಲ್ ಮಾಸ್ಕ್ ಕಾಂಬಿನೇಷನ್ ಅನನ್ಯಾರ ಲುಕ್ಗೆ ಹೊಸ ಟಚ್ ನೀಡಿತ್ತು. ಖ್ಯಾತ ಡಿಸೈನರ್ ಶುಬೋದ್ ಗುಪ್ತಾ ಈ ಔಟ್ಫಿಟ್ ವಿನ್ಯಾಸ ಮಾಡಿದ್ದು, ಫ್ಯಾಷನ್ ವಲಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
