ಮುಂಬೈ: ‘ರಾಮಾಯಣ’ ಟ್ರೇಲರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಿನಿಮಾದ ವಸ್ತ್ರವಿನ್ಯಾಸವೇ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯ ಕೇಂದ್ರಬಿಂದುವಾಗಿದೆ. ಸಾಯಿ ಪಲ್ಲವಿ ಅವರ ಬ್ಲೌಸ್ ವಿನ್ಯಾಸ ಮತ್ತು ಲಾರಾ ದತ್ತಾ ಅವರ ಸೀರೆಯ ಲುಕ್ ಟಿವಿ ಧಾರಾವಾಹಿಯಂತಿದೆ ಎಂದು ಹಲವರು ಟೀಕಿಸಿದ್ದರು.
ಈ ವಿವಾದಕ್ಕೆ ಇದೀಗ ಚಿತ್ರದ ಕಾಸ್ಟ್ಯೂಮ್ ಡಿಸೈನರ್ಗಳು ಉತ್ತರ ನೀಡಿದ್ದಾರೆ. “ತ್ರೇತಾಯುಗದಲ್ಲಿ ಜನರು ಯಾವ ರೀತಿಯ ಉಡುಪು ಧರಿಸುತ್ತಿದ್ದರು ಎಂಬುದಕ್ಕೆ ಯಾವುದೇ ನೇರ ಐತಿಹಾಸಿಕ ಸಾಕ್ಷ್ಯಗಳಿಲ್ಲ. ಆದ್ದರಿಂದ ಭಾರತೀಯ ಕಲಾ ಪರಂಪರೆ, ದೇವಸ್ಥಾನಗಳ ಕೆತ್ತನೆಗಳು ಮತ್ತು ರಾಜಾ ರವಿವರ್ಮ ಅವರ ಚಿತ್ರಗಳನ್ನು ಆಧರಿಸಿ ಪಾತ್ರಗಳನ್ನು ರೂಪಿಸಿದ್ದೇವೆ” ಎಂದು ಹೇಳಿದ್ದಾರೆ.
ಇದಲ್ಲದೆ, ಪಾತ್ರಗಳ ಭಾವನೆ ಮತ್ತು ಕಥೆಯ ಹಂತಕ್ಕೆ ಅನುಗುಣವಾಗಿ ಬಣ್ಣಗಳನ್ನು ಆಯ್ಕೆ ಮಾಡಲಾಗಿದೆ ಎಂದು ವಿವರಿಸಿರುವ ಅವರು, ಕೈಕೇಯಿಯ ಉಡುಪಿನ ಮರೂನ್ ಬಣ್ಣ ಆಕೆಯ ಜೀವನದ ಮಹತ್ವದ ತಿರುವನ್ನು ಸಂಕೇತಿಸುತ್ತದೆ ಎಂದು ತಿಳಿಸಿದ್ದಾರೆ.
ಟ್ರೇಲರ್ ಮಾತ್ರ ನೋಡಿ ಪಾತ್ರಗಳ ಬಗ್ಗೆ ತೀರ್ಮಾನಿಸುವ ಬದಲು, ಸಂಪೂರ್ಣ ಸಿನಿಮಾ ವೀಕ್ಷಿಸಿದ ಬಳಿಕ ಅಭಿಪ್ರಾಯ ರೂಪಿಸಬೇಕು ಎಂದು ಚಿತ್ರತಂಡ ಪ್ರೇಕ್ಷಕರಿಗೆ ಮನವಿ ಮಾಡಿದೆ.
Join WhatsApp
