ಚಿಕ್ಕಬಳ್ಳಾಪುರ : ಕಳ್ಳರಿಗೆ ಕಡಿವಾಣ ಹಾಕೋದೆ ಕಷ್ಟವಾಗಿದೆ. ಯಾವಾಗ ಬರ್ತಾರೆ ಎಲ್ಲಿ ಇರ್ತಾರೆ ಅನ್ನೋದೆ ತಿಳಿಯೋದಿಲ್ಲ ಅದೇ ರೀತಿ ಚಿಕ್ಕಬಳ್ಳಾಪುರದಲ್ಲಿ ಮಾಸ್ಕ್ ಧರಿಸಿ ಬೈಕ್’ನಲ್ಲಿ ಬಂದ ಕಳ್ಳರು ಮಹಿಳೆಯ ಕತ್ತಿನಲ್ಲಿರುವ ಚೈನ್ ಕದ್ದು ಎಸ್ಕೇಪ್ ಆಗಿರುವ ಘಟನೆ ನಡೆದಿದೆ.
Advertisement
ನಗರದ ಗಾಯತ್ರಿ ಮತ್ತು ಲಕ್ಷ್ಮಿ ಎಂಬ ಮಹಿಳೆಯರು ವಾಕಿಂಗ್ ಮಾಡುತ್ತಿದ್ದರು. ಈ ವೇಳೆ ದ್ವಿಚಕ್ರ ವಾಹನದಲ್ಲಿ ಬಂದ ಅಪರಿಚಿತ ವ್ಯಕ್ತಿಗಳು ಗಾಯತ್ರಿ ಎನ್ನುವವರ ಕತ್ತಿನಲ್ಲಿದ್ದ ಮಾಂಗಲ್ಯ ಸರಕ್ಕೆ ಕೈ ಹಾಕಿದ್ದಾರೆ. ಇದರಿಂದ ಕಿರುಚಾಡಿದ ಮಹಿಳೆ ಚೈನ್ನನ್ನ ಗಟ್ಟಿಯಾಗಿ ಹಿಡಿದುಕೊಂಡಿದ್ದಾರೆ. ಚೈನ್ ಎಳೆಯುವಾಗ ನಾಲ್ಕು ಗುಂಡುಗಳು ಕಳ್ಳರು ಕದ್ದಿದ್ದಾರೆ.
ನಂತರ ಜೊತೆಗಿದ್ದ ಸ್ನೇಹಿತೆ ಲಕ್ಷ್ಮಿ ಕುತ್ತಿಗೆಗೂ ಕೈ ಹಾಕಲು ಮುಂದಾಗಿದ್ದು, ಸಾಧ್ಯವಾಗದ ಹಿನ್ನಲೆ ತಕ್ಷಣ ಸ್ಥಳದಿಂದ ಕಳ್ಳರು ಎಸ್ಕೇಪ್ ಆಗಿದ್ದಾರೆ. ಇನ್ನೂ ಈ ಘಟನೆ ಸಂಬಂಧ ಚಿಕ್ಕಬಳ್ಳಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.