ಅಡುಗೆಮನೆಯಲ್ಲಿ ಸಿಹಿ ಪದಾರ್ಥಗಳಿರುವ ಕಡೆಗಳಲ್ಲಿ ಇರುವೆಗಳು ಕಾಣಿಸಿಕೊಳ್ಳುವುದು ಸಾಮಾನ್ಯವಾಗಿದೆ.
ವಿಶೇಷವಾಗಿ ಸಕ್ಕರೆ ಡಬ್ಬಿಗಳು ಇರುವೆಗಳನ್ನು ಹೆಚ್ಚು ಆಕರ್ಷಿಸುತ್ತವೆ. ಡಬ್ಬಿಯನ್ನು ಎಷ್ಟೇ ಬಿಗಿಯಾಗಿ ಮುಚ್ಚಿದರೂ ಸಹ ಇರುವೆಗಳು ಒಳನುಗ್ಗಿ ಸಕ್ಕರೆಯನ್ನು ಹಾಳುಮಾಡುವ ಸಂದರ್ಭಗಳು ಹೆಚ್ಚಾಗುತ್ತಿವೆ.
ಈ ಸಮಸ್ಯೆಗೆ ಸರಳ ಮನೆಮದ್ದು ಒಂದನ್ನು ಬಳಸಬಹುದಾಗಿದೆ ಎಂದು ಹೇಳಲಾಗುತ್ತಿದೆ. ಸಕ್ಕರೆ ಡಬ್ಬಿಯೊಳಗೆ ಲವಂಗವನ್ನು ಸಣ್ಣ ಚೀಲದಲ್ಲಿ ಇಡುವುದರಿಂದ ಇರುವೆಗಳನ್ನು ದೂರವಿಡಬಹುದು. ಲವಂಗದ ಬಲವಾದ ನೈಸರ್ಗಿಕ ವಾಸನೆ ಮತ್ತು ಅದರಲ್ಲಿ ಇರುವ ಯುಜೆನಾಲ್ ಅಂಶ ಇರುವೆಗಳಿಗೆ ಅಸಹ್ಯವಾಗುತ್ತದೆ.
ಲವಂಗದ ವಾಸನೆ ಇರುವೆಗಳ ದಾರಿ ಗುರುತಿಸುವ ಸಾಮರ್ಥ್ಯವನ್ನು ಅಡ್ಡಿಪಡಿಸುತ್ತದೆ. ಇದರಿಂದ ಅವು ಸಕ್ಕರೆ ಇರುವ ಕಡೆ ಸುಳಿಯುವುದೇ ಕಡಿಮೆಯಾಗುತ್ತದೆ. ನೇರವಾಗಿ ಡಬ್ಬಿಯಲ್ಲಿ ಹಾಕಲು ಇಷ್ಟವಿಲ್ಲದಿದ್ದರೆ, 8–10 ಲವಂಗಗಳನ್ನು ಸಣ್ಣ ಪ್ಯಾಕೆಟ್‌ನಲ್ಲಿ ಇಟ್ಟು ಡಬ್ಬಿಯ ಮೂಲೆಯಲ್ಲಿ ಇಡಬಹುದು ಎಂದು ಸಲಹೆ ನೀಡಲಾಗಿದೆ.
ಲವಂಗ ಲಭ್ಯವಿಲ್ಲದ ಸಂದರ್ಭಗಳಲ್ಲಿ ದಾಲ್ಚಿನ್ನಿ ತುಂಡುಗಳನ್ನೂ ಬಳಸಬಹುದು ಎಂದು ಹೇಳಲಾಗಿದೆ. ಆದರೆ ಯಾವುದೇ ವಿಧಾನ ಬಳಸಿದರೂ ಸಕ್ಕರೆ ಡಬ್ಬಿಯನ್ನು ಸದಾ ಬಿಗಿಯಾಗಿ ಮುಚ್ಚಿಡುವುದು ಅತ್ಯಂತ ಮುಖ್ಯ, ಇಲ್ಲವಾದರೆ ಇರುವೆಗಳ ಕಾಟ ಮತ್ತೆ ಮುಂದುವರಿಯಬಹುದು ಎಂದು ತಿಳಿಸಲಾಗಿದೆ.
