ವಿಜಯಸಾಕ್ಷಿ ಸುದ್ದಿ, ಗದಗ: ತಾಲೂಕಾ ಬಣಜಿಗ ಕ್ಷೇಮಾಭಿವೃದ್ಧಿ ಸಂಘದಿಂದ ನಿರ್ಮಾಣವಾಗುತ್ತಿರುವ ಬಸವ ಭವನ ಕಟ್ಟಡಕ್ಕೆ ಸಚಿವ ಎಚ್.ಕೆ ಪಾಟೀಲರು ಈಗಾಗಲೇ 25 ಲಕ್ಷ ರೂ ಅನುದಾನ ನೀಡಿದ್ದು, ಉಳಿದ 25 ಲಕ್ಷ ರೂ ಅನುದಾನವನ್ನು ಬಿಡುಗಡೆ ಮಾಡಿದ ಮಂಜೂರಾತಿ ಪತ್ರವನ್ನು ಸಮಾಜದ ಹಿರಿಯರಾದ ಗದಗ ಜಿಲ್ಲಾ ಅಧ್ಯಕ್ಷ ಈಶಣ್ಣ ಮುನವಳ್ಳಿ, ಕಟ್ಟಡ ಸಮಿತಿ ಅಧ್ಯಕ್ಷ ಕಿರಣ ಭೂಮಾ, ಉಪಾಧ್ಯಕ್ಷ ಬಿ.ಬಿ. ಅಸೂಟಿ, ತಾಲೂಕಾಧ್ಯಕ್ಷ ನಾಗೇಶ ಸವಡಿ ಅವರಿಗೆ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ಮಾಜಿ ಶಾಸಕ ಡಿ.ಆರ್. ಪಾಟೀಲ ಮಾತನಾಡಿ, ಹಿಂದೆ ರಾಜಕೀಯ ಏಳಿಗಾಗಿ ದುಡಿದ ಬಣಜಿಗ ಸಮಾಜದ ಹಿರಿಯರಾದ ಬಸಪ್ಪ ಅಸೂಟಿ, ವೀರಪ್ಪ ಅಂಗಡಿ, ವೀರಭದ್ರಪ್ಪ ಬಳ್ಳಾರಿ ಮುಂತಾದವರು ಶಕ್ತಿಯಾಗಿ ನಿಂತಿದ್ದನ್ನು ಸ್ಮರಿಸಿದರು.
ಸಭೆಯಲ್ಲಿ ಸಮಾಜದ ಹಿರಿಯರಾದ ರೇವಣಸಿದ್ದಪ್ಪ ಎಳಮಲಿ, ಸುರೇಶ್ ನಿಲುಗಲ್, ಲಲಿತಾ ಇಂಗಳಹಳ್ಳಿ, ಲಲಿತಾ ಬ.ಅಸೂಟಿ, ವಿರೂಪಾಕ್ಷಪ್ಪ ಅಕ್ಕಿ, ಬಸವರಾಜ್ ರಾಮನಕೊಪ್ಪ, ಸಿದ್ದರಾಮಪ್ಪ ಉಮಚಗಿ, ಪ್ರೊ. ಎ.ಕೆ. ನಾಶಿ, ವಿಶ್ವನಾಥ್ ರಾಮನಕೊಪ್ಪ, ಡಾ. ರಾಜಶೇಖರ್ ಬಳ್ಳಾರಿ, ಅಶೋಕ್ ಯಾಳಗಿಶೆಟ್ಟರ, ಬಸವರಾಜ್ ಅಂಗಡಿ, ಚನ್ನವೀರಪ್ಪ ದುಂದೂರ, ಸುಶೀಲಮ್ಮ ಕೋಟಿ, ಶಿವಯೋಗಿ ಅಗಡಿ, ಮಹೇಶ್ ಮುಂಡರಗಿ, ರವಿ ಪಟ್ಟಣಶೆಟ್ಟಿ, ಚೇತನ್ ಅಂಗಡಿ, ಅಮರನಾಥ ಗಡಗಿ, ಅಡಿವೆಪ್ಪ ದುಂಡಿಸಿ, ಶರಣಪ್ಪ ಜಾಲಿಹಾಳ, ಚನ್ನಬಸಪ್ಪ ಅಕ್ಕಿ, ರವಿ ಪಟ್ಟಣಶೆಟ್ಟಿ, ವಿಶ್ವನಾಥ್ ಯಳಮಲಿ, ಗಂಗಾಧರ್ ಮೇಲಗೆರಿ, ವೀರಪ್ಪ ಸವಡಿ, ಮಹೇಶ್ ಬೆಲ್ಲದ, ಪ್ರಭು ಡಿಗ್ಗಾವಿ, ಮಾಂತೇಶ್ ಗದಗ, ಉಮೇಶ್ ನಾಲ್ವಾಡ, ಎ.ಕೆ. ಹೊಸಂಗಡಿ, ಶಶಿಧರ್ ಕಳಸಾಪುರಶೆಟ್ಟರ, ಕುಮಾರ್ ಬಳ್ಳಾರಿ, ಮಾಂತೇಶ್ ರಾಮಾನುಕೊಪ್ಪ, ಸಿದ್ದು ಉಮಚಗಿ, ಮಾಂತೇಶ್ ಸೂಡಿ, ಶಂಕರ ನೀರಲಕೇರಿ, ಅನೂಪ ಹುಬ್ಬಳ್ಳಿ, ಶ್ರೀಧರ ವಜ್ರಬಂಡಿ, ಗಿರೀಶ್ ಕೋರಿ, ಸುರೇಶ ಮಾಳವಾಡ, ಶಶಿಧರ ಅರಳಿ, ಈರಣ್ಣ ಗಡಗಿ, ಮುರಗೇಪ್ಪ ನಾಲ್ವಾಡ, ಮುತ್ತಣ್ಣ ಭರಡಿ, ಎಸ್.ವಿ. ಮೆಣಶಿಕಾಯ, ಸೋಮನಾಥ ಜಾಲಿ, ವಿಜಯಲಕ್ಷ್ಮೀ ಮಾನ್ವಿ, ಲಲಿತಾ ಸವಡಿ, ಉಮಾ ರಾಮನಕೊಪ್ಪ, ಮಂಜುನಾಥ ಲಕ್ಕುಂಡಿ, ಶಿವರಾಜ ಕೋಟಿ ಮುಂತಾದವರಿದ್ದರು.
ಗದಗ-ಬೆಟಗೇರಿ ಶಹರ ಬ್ಲಾಕ್ ಕಾಂಗ್ರೆಸ್ ಸಮಿತಿ ಅಧ್ಯಕ್ಷರು ಹಾಗೂ ಗದಗ ತಾಲೂಕಾ ಬಣಜಿಗ ಕ್ಷೇಮಾಭಿವೃದ್ಧಿ ಸಂಘದ ಉಪಾಧ್ಯಕ್ಷ ಬಿ.ಬಿ. ಅಸೂಟಿ ಮಾತನಾಡುತ್ತಾ, ಗದಗ ಜಿಲ್ಲಾ ಉಸ್ತುವಾರಿ ಸಚಿವ ಎಚ್.ಕೆ. ಪಾಟೀಲ ಹಾಗೂ ಮಾಜಿ ಶಾಸಕ ಡಿ.ಆರ್. ಪಾಟೀಲರು ನಮ್ಮ ಸಮಾಜದ ಕಟ್ಟಡ ಕಾಮಗಾರಿಗಾಗಿ 50 ಲಕ್ಷ ರೂಗಳನ್ನು ನೀಡಿ, ತಮ್ಮ ಮಾತನ್ನು ಉಳಿಸಿಕೊಂಡಿದ್ದಾರೆ ಎಂದರಲ್ಲದೆ, ಇನ್ನೂ 50 ಲಕ್ಷ ರೂ.ಗಳ ಅನುದಾನವನ್ನು ನೀಡಬೇಕೆಂದು ವಿನಂತಿಸಿದರು.
