ವಿಜಯಸಾಕ್ಷಿ ಸುದ್ದಿ, ಗದಗ
ಮನೆಯ ಬೀಗವನ್ನು ಮುರಿದು ಒಳನುಗ್ಗಿದ ಕಳ್ಳರು ತಿಜೋರಿಯಲ್ಲಿದ್ದ 2.65 ಲಕ್ಷ ರೂ. ಮೌಲ್ಯದ ಸ್ವತ್ತು ಕಳ್ಳತನವಾಗಿದೆ.
ಪೋಸ್ಟಲ್ ನಲ್ಲಿ ಕಾರ್ಯನಿರ್ವಹಿಸುವ ಪ್ರಿಯದರ್ಶಿನಿ ಡ್ಯಾನಿಯಲ್ ಕುಮಾರ್ ಎಂಬುವರ ವಿವೇಕಾನಂದ ರಸ್ತೆಯ ಬಳಿಯಿರುವ ಮನೆಯ ಬಾಗಿಲಿಗೆ ಹಾಕಿದ್ದ ಬೀಗ, ಚಿಲಕವನ್ನು ಯಾವುದೋ ವಸ್ತುವಿನಿಂದ ಮೀಟಿ ಮುರಿದು, ಮನೆಯೊಳಗೆ ಹೊಕ್ಕು ಅಲ್ಲಿದ್ದ ತಿಜೋರಿಯ ಬಾಗಿಲನ್ನು ಮೀಟಿ ತೆರೆದು ಒಳಗೆ ಇಟ್ಟಿದ್ದ 60 ಸಾವಿರ ರೂ. ಬೆಲೆಯ 36 ಗ್ರಾಂ. ತೂಕದ ಹಳೆಯ ಬಂಗಾರದ ಲಾಂಗ್ ಚೈನ್, 60 ಸಾವಿರ ರೂ. ಬೆಲೆಬಾಳುವ 40 ಗ್ರಾಂ. ತೂಕದ ಪಾಟ್ಲಿ ಬಳೆ, 42 ಗ್ರಾಂ. ತೂಕವಿರುವ 1.25 ಲಕ್ಷ ರೂ. ಬೆಲೆಬಾಳುವ ಚಿನ್ನದ ನೆಕ್ಲೆಸ್ ಹೀಗೆ ಒಟ್ಟೂ 2.45 ಲಕ್ಷ ರೂ. ಬೆಲೆಬಾಳುವ 118 ಗ್ರಾಂ ತೂಕದ ಬಂಗಾರದ ಆಭರಣ ಮತ್ತು 20 ಸಾವಿರ ರೂ. ನಗದು ಹಣ ಕಳ್ಳತನವಾಗಿರುವ ಬಗ್ಗೆ ದೂರಿನಲ್ಲಿ ತಿಳಿಸಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡಿರುವ ಬೆಟಗೇರಿ ಬಡಾವಣೆ ಠಾಣೆಯ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.