ಸಿನಿಮಾ ಮತ್ತು ರಾಜಕೀಯ ಎರಡರಲ್ಲೂ ಸಮಾನವಾಗಿ ಹೆಜ್ಜೆ ಇಡುತ್ತಿರುವ ದಳಪತಿ ವಿಜಯ್, ತಮ್ಮ ನಟನಾ ಪಯಣಕ್ಕೆ ‘ಜನ ನಾಯಗನ್’ ಮೂಲಕ ತೆರೆ ಎಳೆಯಲಿದ್ದಾರೆ ಎಂಬ ಮಾತು ಜೋರಾಗಿದೆ. ಈ ಸಿನಿಮಾ ವಿಜಯ್ ಅವರ ರಾಜಕೀಯ ಪ್ರವೇಶಕ್ಕೆ ವೇದಿಕೆ ಎಂಬ ಚರ್ಚೆ ಕೂಡ ನಡೆಯುತ್ತಲೇ ಇದೆ. ಆದರೆ ಈಗ ಅದೇ ರಾಜಕೀಯ ಅಜೆಂಡಾಕ್ಕೆ ವಿದೇಶದಲ್ಲಿ ಅಡ್ಡಿ ಎದುರಾಗಿದೆ.

‘ಜನ ನಾಯಗನ್’ ಚಿತ್ರದ ಅದ್ಧೂರಿ ಆಡಿಯೋ ಲಾಂಚ್ ಕಾರ್ಯಕ್ರಮವನ್ನು ಮಲೇಷ್ಯಾದ ಕೌಲಾಲಂಪುರದಲ್ಲಿ ಆಯೋಜಿಸಲು ಚಿತ್ರತಂಡ ತೀರ್ಮಾನಿಸಿದೆ. ವಿಜಯ್ ತಮ್ಮ ಸಿನಿಮಾಗಳ ಪ್ರಚಾರದಲ್ಲಿ ರಾಜಕೀಯ ಸಂದೇಶ ನೀಡುವುದು ಹೊಸದಲ್ಲ. ಇದೇ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮವೂ ರಾಜಕೀಯ ಅರ್ಥ ಪಡೆದುಕೊಳ್ಳುವ ಸಾಧ್ಯತೆ ಇತ್ತು. ಆದರೆ ಇದಕ್ಕೆ ಮಲೇಷ್ಯಾ ಪೊಲೀಸರು ಸ್ಪಷ್ಟವಾಗಿ ಬ್ರೇಕ್ ಹಾಕಿದ್ದಾರೆ.

“ಕಾರ್ಯಕ್ರಮ ಸಂಪೂರ್ಣವಾಗಿ ಮನೋರಂಜನೆಗೆ ಸೀಮಿತವಾಗಿರಬೇಕು. ಯಾವುದೇ ರಾಜಕೀಯ ಹೇಳಿಕೆ, ಘೋಷಣೆ ಅಥವಾ ಭಾಷಣಕ್ಕೆ ಅವಕಾಶ ಇರುವುದಿಲ್ಲ” ಎಂದು ಮಲೇಷ್ಯಾ ಪೊಲೀಸರು ಕಟ್ಟುನಿಟ್ಟಾಗಿ ಸೂಚಿಸಿದ್ದಾರೆ. ಇದರಿಂದಾಗಿ ವಿಜಯ್ ಅವರು ವಿದೇಶದಲ್ಲಿ ತಮ್ಮ ರಾಜಕೀಯ ಅಜೆಂಡಾ ಪ್ರಚಾರ ಮಾಡುವ ಯೋಜನೆಗೆ ತಾತ್ಕಾಲಿಕ ತಡೆ ಬಿದ್ದಂತಾಗಿದೆ.

‘ಜನ ನಾಯಗನ್’ ಸಿನಿಮಾ ವಿಜಯ್ ಅವರ ಕೊನೆಯ ಸಿನಿಮಾ ಎನ್ನಲಾಗುತ್ತಿದ್ದು, ಇದರ ನಂತರ ಅವರು ಸಂಪೂರ್ಣವಾಗಿ ರಾಜಕೀಯಕ್ಕೆ ಕಾಲಿಡಲಿದ್ದಾರೆ ಎಂಬ ಮಾತುಗಳು ಬಲವಾಗಿವೆ. ಎಚ್ ವಿನೋದ್ ನಿರ್ದೇಶನದ ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ, ಮಮಿತಾ ಬಿಜು, ಪ್ರಿಯಾಮಣಿ, ಪ್ರಕಾಶ್ ರೈ, ಗೌತಮ್ ವಾಸುದೇವ್ ಮೆನನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾ ಸಂಕ್ರಾಂತಿಗೆ ತೆರೆಗೆ ಬರಲಿದೆ.

‘ಬಿಗ್‌ ಬಾಸ್ ಕನ್ನಡ’ ಫ್ಯಾಮಿಲಿ ವೀಕ್‌ನಲ್ಲಿ ಸಂಭ್ರಮಕ್ಕಿಂತ ಹೆಚ್ಚು ನೋವು ಕಂಡುಬಂದಿದೆ. ಕಾವ್ಯ ಅವರು ತಮ್ಮ ತಾಯಿ ಮತ್ತು ಸಹೋದರರೊಂದಿಗೆ ನಡೆಸಿದ ಮಾತುಕತೆ ಇದೀಗ ದೊಡ್ಡ ಯಡವಟ್ಟಾಗಿ ಪರಿಣಮಿಸಿದೆ.

ಮನೆಯೊಳಗೆ ಕಾವ್ಯ, ಆಟದ ತಂತ್ರ, ನಾಮಿನೇಷನ್ ಪ್ಲಾನ್, ಗಿಲ್ಲಿಯ ಜೊತೆಗಿನ ಸ್ನೇಹ ಮತ್ತು ಸೋಷಿಯಲ್ ಮೀಡಿಯಾ ಇಮೇಜ್ ಬಗ್ಗೆ ಮುಕ್ತವಾಗಿ ಚರ್ಚೆ ನಡೆಸಿದ್ದಾರೆ.
‘ಎಲ್ಲಾ ಚೆನ್ನಾಗೇ ಇದೆ, ನೀನು ತಲೆ ಕೆಡಿಸಿಕೊಳ್ಳಬೇಡ. ಗಿಲ್ಲಿಯಿಂದಲೇ ನಿನಗೆ ಗುರುತು ಬಂದಿದೆ. ನಾಮಿನೇಷನ್‌ನಿಂದ ಅವನ ಹೆಸರನ್ನು ತೆಗೆದುಹಾಕು’ ಎಂದು ಸಹೋದರ ಸಲಹೆ ನೀಡಿದ್ದು, ತಾಯಿ ಕೂಡ ಬೆಂಬಲಿಸಿದ್ದಾರೆ.

ಆದರೆ ಈ ಮಾತುಗಳು ಬಿಗ್‌ ಬಾಸ್‌ ಮನೆಯ ಮೂಲ ನಿಯಮಗಳಿಗೆ ವಿರುದ್ಧವಾಗಿದ್ದರಿಂದ ಬಿಗ್‌ ಬಾಸ್‌ ತಕ್ಷಣವೇ ಕಠಿಣ ಕ್ರಮ ಕೈಗೊಂಡಿದ್ದಾರೆ. ಮನೆಯ ಮುಖ್ಯದ್ವಾರ ತೆರೆಯಿಸಿ, ಕಾವ್ಯ ಅವರ ಕುಟುಂಬದವರನ್ನು ಹೊರಗೆ ಕಳುಹಿಸುವಂತೆ ಆದೇಶ ನೀಡಿದ್ದಾರೆ.

ಕಾವ್ಯ ಎಷ್ಟೇ ಕ್ಷಮೆ ಕೇಳಿದರೂ ಬಿಗ್‌ ಬಾಸ್‌ ಮೃದುವಾಗಲಿಲ್ಲ. ಕುಟುಂಬದವರನ್ನು ಕಳೆದುಕೊಂಡ ನೋವಿನಲ್ಲಿ ಕಾವ್ಯ ಕಣ್ಣೀರಿಟ್ಟರು. ಫ್ಯಾಮಿಲಿ ವೀಕ್‌ನಲ್ಲೇ ಈ ಅಪ್ರತೀಕ್ಷಿತ ಘಟನೆ ಪ್ರೇಕ್ಷಕರಲ್ಲಿ ಶಾಕ್ ಮೂಡಿಸಿದೆ.

ಬಿಗ್ ಬಾಸ್ ಮೂಲಕ ಜನಪ್ರಿಯತೆ ಹೆಚ್ಚಿಸಿಕೊಂಡ ನಟ ಧರ್ಮ ಕೀರ್ತಿರಾಜ್ ಅವರ ಸಿನಿಮಾ ಪಯಣಕ್ಕೆ ಮತ್ತೊಂದು ಮಹತ್ವದ ಅಧ್ಯಾಯ ಸೇರ್ಪಡೆಯಾಗಿದೆ. ತಮ್ಮ 25ನೇ ಸಿನಿಮಾವಾಗಿ ‘ನಯನ ಮನೋಹರ’ ಚಿತ್ರವನ್ನು ಅವರು ಒಪ್ಪಿಕೊಂಡಿದ್ದು, ಇತ್ತೀಚೆಗೆ ಟೈಟಲ್ ಹಾಗೂ ಟೀಸರ್ ಬಿಡುಗಡೆ ಕಾರ್ಯಕ್ರಮ ಭರ್ಜರಿಯಾಗಿ ನಡೆಯಿತು.

ವೇದಿಕೆಯಲ್ಲಿ ಮಾತನಾಡಿದ ಧರ್ಮ ಕೀರ್ತಿರಾಜ್, “ಅಪ್ಪ, ಅಮ್ಮ, ಅಕ್ಕ ಇಲ್ಲಿ ಇದ್ದಿರುವುದು ನನಗೆ ದೊಡ್ಡ ಶಕ್ತಿ. 25ನೇ ಸಿನಿಮಾ ನನ್ನ ಜೀವನದ ಮೈಲಿಗಲ್ಲು. ನಿಜವಾದ ಹೀರೋ ಎಂದರೆ ನಿರ್ಮಾಪಕರು. ನಿರ್ದೇಶಕರು ಕಥೆ ಹೇಳಿದ ಕ್ಷಣದಲ್ಲೇ ನನಗೆ ತುಂಬಾ ಸಂತೋಷ ಆಯಿತು. ಈ ಸಿನಿಮಾದಲ್ಲಿ ಮೂರು ವಿಭಿನ್ನ ಶೇಡ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ” ಎಂದು ಭಾವನಾತ್ಮಕವಾಗಿ ಹೇಳಿದರು.

ನಿರ್ದೇಶಕ ಪುನೀತ್ ಕೆಜಿಆರ್, “ಈ ಸಿನಿಮಾ ಧರ್ಮ ಕೀರ್ತಿರಾಜ್ ಅವರಿಗೆ ಖಂಡಿತ ಗೆಲುವು ಕೊಡುತ್ತದೆ” ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಸಂಗೀತ ನಿರ್ದೇಶಕ ವಾಸುಕಿ ವೈಭವ್ ಅವರ ಸಂಗೀತ ಚಿತ್ರದ ಪ್ರಮುಖ ಪ್ಲಸ್ ಆಗಲಿದೆ ಎಂಬ ನಿರೀಕ್ಷೆ ಇದೆ.

ಕಾರ್ಯಕ್ರಮದಲ್ಲಿ ಮಾತನಾಡಿದ ಪ್ರಿಯಾಂಕಾ ಉಪೇಂದ್ರ, “ಈ ಸಿನಿಮಾ 100 ದಿನ ಪೂರೈಸಿ ಇದೇ ಜಾಗದಲ್ಲಿ ಸಂಭ್ರಮಿಸೋಣ” ಎಂದು ಶುಭ ಹಾರೈಸಿದರೆ, ವಿನೋದ್ ಪ್ರಭಾಕರ್ “ಟೀಸರ್ ತುಂಬಾ ಚೆನ್ನಾಗಿ ಬಂದಿದೆ. ಪಾತ್ರ ಪರಿಚಯ ಗಮನಸೆಳೆದಿದೆ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

‘ಬಿಗ್ ಬಾಸ್ ಕನ್ನಡ ಸೀಸನ್ 12’ ಫ್ಯಾಮಿಲಿ ವೀಕ್‌ನಲ್ಲಿ ಕಾವ್ಯಾ ಶೈವ–ಗಿಲ್ಲಿ ನಟ ಜೋಡಿ ಮತ್ತೊಮ್ಮೆ ಪ್ರೇಕ್ಷಕರ ಹೃದಯ ಗೆದ್ದಿದೆ. ಆರಂಭದಿಂದಲೂ ಕ್ಲೋಸ್ ಆಗಿರುವ ಈ ಜೋಡಿ, ಇದೀಗ ಮದುವೆ ಮಾತುಕತೆ ಮೂಲಕ ಹೊಸ ಚರ್ಚೆಗೆ ಕಾರಣವಾಗಿದೆ.

ಕಾವ್ಯಾ ಪೋಷಕರು ದೊಡ್ಮನೆಗೆ ಬಂದಾಗ ಮದುವೆ ವಿಷಯವೇ ಚರ್ಚೆಯಾಗಬೇಕು ಎಂಬ ಆಸೆಯನ್ನು ಗಿಲ್ಲಿ ಬಹಿರಂಗವಾಗಿ ವ್ಯಕ್ತಪಡಿಸಿದ್ದಾರೆ. “ನಾಳೆ ನಿಶ್ಚಿತಾರ್ಥಕ್ಕೆ ಯಾರು ಬರುತ್ತಾರೋ?” ಎಂದು ಗಿಲ್ಲಿ ಕಾವ್ಯಾವನ್ನು ರೇಗಿಸಿದರೆ, ಕಾವ್ಯಾ ಕೂಡ ತಿರುಗೇಟು ನೀಡಿ ಫನ್ನಿ ವಾತಾವರಣ ಸೃಷ್ಟಿಸಿದ್ದಾರೆ.

ಈ ವೇಳೆ ಕಾವ್ಯಾ ತಾಯಿ ಸಾವಿತ್ರಿ ಅವರು ಗಿಲ್ಲಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು, “ಗಿಲ್ಲಿಯನ್ನು ಎಂದಿಗೂ ಬಿಟ್ಟುಕೊಡಬೇಡ. ಅವನು ನಿನ್ನನ್ನು ಯಾವಾಗಲೂ ಬಿಟ್ಟುಕೊಟ್ಟಿಲ್ಲ. ಹಣ್ಣು, ಮೊಟ್ಟೆ ಕೇಳಿದರೆ ಕೊಡು” ಎಂದು ಹೇಳಿದ್ದು ಮನೆಯಲ್ಲಿದ್ದ ಎಲ್ಲರನ್ನೂ ನಗಿಸಿದೆ.

ಪ್ರೇಕ್ಷಕರಿಗೂ ಗಿಲ್ಲಿ ನಟ ಸಖತ್ ಫೇವರಿಟ್ ಆಗಿದ್ದಾರೆ. ಅಶ್ವಿನಿ ಗೌಡ, ರಕ್ಷಿತಾ ಶೆಟ್ಟಿ, ಧ್ರುವಂತ್ ಮನೆಯವರಿಗೆ ಗಿಲ್ಲಿ ಆಟ ಮೆಚ್ಚುಗೆಯಾಗಿದೆ. ಈಗಾಗಲೇ ನಾಲ್ಕು ವೋಟ್ ಪಡೆದುಕೊಂಡಿರುವ ಗಿಲ್ಲಿ ಈ ವಾರದ ಕ್ಯಾಪ್ಟನ್ ಆಗುತ್ತಾರಾ ಎಂಬ ಕುತೂಹಲ ಹೆಚ್ಚಾಗಿದೆ.